Le Tala e Fai Atu e Uiga i Mekasini

Le Olomatamata Me 1

“Pe e te silafiaina se tasi o tigāina sona gasegase po o loo aafia foʻi i le tulaga o le lē atoatoa o le malosi o le tino? E mautinoa e te ioe e faapea e manaʻomia e na tagata ni faalaeiauga. Ae o le ā e mafai ona tatou taʻu atu e faalaeiauina ai i latou? Ua aumaia e le Tusi Paia upu o le faamoemoe. [Faitau Isaia 35:5, 6.] O lenei lomiga o Le Olomatamata ua faamatalaina ai le māfuaaga e mafai ona tatou mautinoa ai o le a taunuu moni lava lenei valoaga.”

Awake! Me 8

“I le tausaga na seʻi mavae atu nei, na faamataʻuina ai le tulaga filemu sa leʻi faapea ona tupu muamua. Pe e te manatu e mafai ona aumaia e malo faaletagata le filemu i le lalolagi? [Pe a uma ona tali mai, ona faitau lea o le Isaia 2:4.] Ua faaalia e le lomiga lenei o le Awake! le pogai e mafai ai ona tatou mautinoa e lē o toe umi ae oo moni mai lava le filemu i le lalolagi.”

Le Olomatamata Me 15

“Pe e te manatu e mafai ona tatou iloaina le Atua? [Tuu le avanoa mo se tali.] O le a e ioe e faapea e faigatā ona talitonu i se tasi pe afai o le a itiiti so tatou iloa e faatatau iā te ia. O le mea moni, ua faalaeiauina i tatou e le Tusi Paia e saʻili i le Atua. [Faitau Galuega 17:27.] Ua faailoa mai e nei mataupu le auala e mafai ai ona tatou iloaina atili le Atua.”

Ala Mai! Ape.-Iuni

“Pe e te lē ioe e faapea ina ia sologa lelei le ola, e tatou te manaʻomia ai meataumafa lelei ma malupuipuia? [Tuu le avanoa mo se tali.] Mātau le mea na folafolaina mai e le Atua i ona tagata i taimi o le Tusi Paia. [Faitau Levitiko 26:4, 5.] Ua talanoaina i le Ala Mai! popolega o loo iai i aso nei e faatatau i meataumafa. [Suʻe i le itulau 18] O loo faasino atu foʻi i le taimi e aumaia ai e le Atua iā i tatou le tulaga sologa lelei i le lalolagi aoao.”