Autaluga o le Aʻoga o le Faiva Faatiokarate

O le a talanoaina fesili o loo mulimuli mai i le Aʻoga o le Faiva Faatiokarate a o faagasolo le vaiaso e amata iā Aperila 26, 2010. O le a tauaaoina e le ovasia o le aʻoga se autaluga e 20 minute e faavae i lomiga mo tofiga o vaiaso o Mati 1 seʻia oo iā Aperila 26, 2010.

1. O le ā le uiga o le faaupuga a Naomi “o Ieova na ia faalumaina aʻu, ma ua faapuapuagatia aʻu e Lē ona le malosi uma lava”? (Ruta 1:21) [w05 3/1 itu. 27 pala. 1]

2. O ā uiga na avea ai Ruta ma “fafine e matuā lelei tele”? (Ruta 3:11) [w05 3/1 itu. 28 pala. 6]

3. Na faapefea i upu a Elekana “po ua lē sili ea aʻu iā te oe i lo o fanau tama e toʻasefulu” ona faamalosia ai lana avā? (1 Samu. 1:8) [w90 3/15-E itu. 27 pala. 5-6]

4. Aiseā na lē talafeagai ai le manaʻoga o Isaraelu i se tupu? (1 Samu. 8:5) [w05 9/15 itu. 20, pala. 17]

5. Na faapefea ona faamaonia ina ua “toeaina ma ulusinā” Samuelu le avea o ia ma faaaʻoaʻoga i le tatalo mo isi, ma o le ā ua faamatilatila mai ai i lenei mea? (1 Samu. 12:2, 23) [w07 6/1 itu. 29 pala. 14-15]

6. Aiseā na amanaʻia faapitoa ai e Saulo tagata Keni? (1 Samu. 15:6) [w05 3/15 itu. 22 pala. 10]

7. Aiseā na fesili ai Saulo iā Tavita, “O se atalii o ai ea oe?” (1 Samu. 17:58) [w07 8/1 itu. 31 pala. 3, 5]

8. O le ā e mafai ona tatou aʻoaʻoina mai i le auala na taulima ai e Tavita le faafitauli matuiā na tulaʻi mai i Kata? (1 Samu. 21:12, 13) [w05 3/15 itu. 24 pala. 4]

9. Na faapefea ona faaalia le alofa ma le lotomaulalo o Ionatana ina ua manaʻomia ona lagolago ma faalaeiau i lana uō o Tavita? (1 Samu. 23:17) [lv itu. 28 pala. 10, fpl.]

10. O le ā se lesona tatou te aʻoaʻoina mai i le alu atu o Saulo i le fafine faataulāitu i Enetolo? (1 Samu. 28:8-19) [w05 3/15 itu. 24 pala. 7]