“E Fia Itula e Ao Ona Ou Lipotia?”

Pe e iai se taimi na e fesili ai faapena? O loo i le itulau e 86-87 o le tusi Faamaopoopo ia faatonuga e uiga i lenei mataupu. I nisi taimi, e maua isi faatonuga e pei o faamatalaga i le Pusa Fesili i La Tatou Faiva o le Malo o Setema 2008. Ona o le eseese o tulaga, e lē tuu mai ni tulafono se tele. O lea, e lē tatau ai i toeaina po o nisi uso ona toe faaopoopo nisi faatonuga.

Afai e lē mautinoa le mea e fai, ma e lē o iai se faatonuga i se lomiga, e ao ona iloilo e le tagata talaʻi nei fesili: Pe na faaaogā lenā taimi e talaʻi ai? Pe na faaaogā e faia ai se isi mea? Ia maua se lotofuatiaifo lelei i itula ua tusia i le lipoti i masina taʻitasi, ae lē o se lotofuatiaifo ua ōia. (Galu. 23:1) Peitaʻi, e lē sili ona tāua le aofaʻi o itula e talaʻi ai, ae o le auala o loo faaaogā ai na itula i le talaʻi atu ma le maelega.​—Epe. 6:11.