Faasilasilaga

◼ Lomiga e ofo iā Mati: O ā Aʻoaʻoga Moni a le Tusi Paia? Taumafai e amata ni suʻesuʻega faale-Tusi Paia i le uluaʻi asiasiga. Afai ua iai se tusi a le tagata o le aiga ma e na te lē taliaina le ofo mo se suʻesuʻega faale-Tusi Paia, e ono ofo se mekasini tuai po o so o se polosiua e fiafia i ai le tagata. Aperila ma Me: Le Olomatamata ma le Ala Mai! Afai e faaalia le fiafia, ia ofo le sāvali Pe E te Fia Iloa le Upu Moni? ma taumafai e amata se suʻesuʻega faale-Tusi Paia. Pe a toe asia ē na auai i le Faamanatuga po o isi sauniga faaleagaga ae e lē o faatasitasi pea ma le faapotopotoga, ia taulaʻi atu i le amataina o suʻesuʻega e faaaogā ai le tusi Aʻoaʻoga a le Tusi Paia.

◼ O le a faia le Faamanatuga i le Aso Tofi, Aperila 5, 2012. Pe afai e masani ona faia sauniga a la outou faapotopotoga i le Aso Tofi, e tatau ona suia i se isi aso o le vaiaso pe afai e avanoa le Maota mo Sauniga. Pe afai e lē mafai ona faia lea suiga ma ua aafia ai la outou Sauniga o le Auaunaga, e ono mafai la ona faaaofia vaega o loo fetaui lelei mo la outou faapotopotoga, i se isi Sauniga o le Auaunaga.

◼ O le a talanoaina i Sauniga o le Auaunaga o loo lumanaʻi ai vitiō e lua o le Young People Ask, o le How Can I Make Real Friends? ma le What Will I Do With My Life? Pe a manaʻomia, e tatau ona talosagaina ni kopi e ala atu i le faapotopotoga i le vave e mafai ai.