Faatomuaga o le Vaega 9

O le a tatou aʻoaʻoina i lenei vaega e faatatau i tamaiti, perofeta, ma tupu o ē na faaalia le faatuatua malosi iā Ieova. Na faaalia e se teineitiiti Isaraelu i Suria le faatuatua o le a faamālōlō e le perofeta a Ieova Naamanu. Sa mautinoa atoatoa e le perofeta o Elisaia o le a puipuia o ia e Ieova mai i se ʻautau a se fili. Na lamatia le ola o le Ositaulaga Sili o Ioiata ina ia puipuia ai Ioasa i le taimi a o laʻitiiti, mai iā Atalia le tinā leaga o lona tamā. Na talitonu le tupu o Esekia o le a puipuia e Ieova Ierusalema, ma e leʻi lolo atu o ia i le taufaamataʻu ane a Asuria. Na tafiesea e le tupu o Iosia le ifo i tupua mai i le nuu, toe faaleleia le malumalu, ma toe faafoʻisia le tapuaʻiga moni i le nuu.