SUʻESUʻEGA 17

Ia Malamalama ai Isi

1 Korinito 14:9

AOTELEGA: Ia fesoasoani i lau aofia ina ia malamalama i le uiga o lau mataupu.

Suʻesuʻe māeʻaeʻa lau mataupu. Ia malamalama lelei i lau mataupu ina ia mafai ona e faamatala i se auala faigofie ma i au lava upu.
Faaaogā fuaiupu pupuu ma faaupuga faigofie. E ui e lē afāina le faaaogā o fuaiupu uumi, ae ia faamatala manatu autū e ala i le faaaogā o faaupuga ma fuaiupu pupuu.

ʻAlofia ni faamatalaga e lē manaʻomia e ono lē mautonu ai lau aofia. Ia faaaogā le gagana faigofie nai lo o le gagana e faigatā ona malamalama i ai.
Faamatala upu e lē masani ai. Pe a talafeagai, aua le faaaogāina faaupuga e lē masani ai lau aofia. Afai e te faaaogā se faamatalaga e lē masani ai, se tagata o le Tusi Paia, fua faafuainumera, po o tū faaanamua, e tatau la ona e faamatalaina.