O Evagelia—Mea Moni po o Tala Fatu?

O E UA manatu e agavaa e faitio ua leva ona osofai o Evagelia tau i le olaga o Iesu mai i itu eseese. Ua latou fai mai ona e tala ua tumu i feteenaiga ma sa tusia ina ua leva ona taunuu o mea na tutupu ma talia ai faaletala tuufaasolo. Ua latou teena faiga faavavega faapea ua na o ni tala fatu. I lana tusi Caesar and Christ, a Will Durant o se tusitala o tala faasolopito, sa ia taumafai e iloilo faamaumauga o Evagelia mai se vaaiga tatau—o ni faamaumauga faaletala faasolopito. Sa ia tautino e i ai ni feteenaiga ma ni faafitauli i faamaumauga o Evagelia, a e na ia faaiu mai: “O feteenaiga e itiiti ma faaletaua [tala auiliili e itiiti le taua] e le taua; o mea faitaulia e tutusa ma evagelia ma malilie faatasi, ma faataatia ai se ata maumaututu o Keriso.” Ae faapefea tuuaiga a tagata faitio faapea e Evagelia e le fesootai ma manaoga o tala faasolopito moni? Sa faaauau faapea e Durant: “O le maemae tau i lona i ai ua faatatau ina ai e Faitioga Faafiapopoto i sailiiliga o le taliaina o le Feagaiga Fou e matua aiai ua i ai ni tagata taʻutaʻua anamua e toaselau- mo se faataʻitaʻiga: o Hammurabi, Tavita, Socrates—e galo atu e pei o ni tala faafagogo. E ui i le faaauau ma talitonuga faalotu e le masuia, ua latou faamauina le tele o mea tutupu sa ono natia e tagata e faia tala fatu— o le tauvaga a aposetolo mo tofiga sili i le Malo, la latou solaaga ina ua uma ona puea Iesu, le faafiti a Peteru . . . E leai se tasi na te faitauina nei mea na tutupu e masalomia le moni o i latou.”

Na faaiu mai le tusi a le tusitala o tala faasolopito o Durant e faapea: “O ni tane faatauvaa toaitiiti i se tupulaga e tasi na latou faatupu ni uiga faaletagata malolosi ma le aloaia, le maualuga o mataupu tau i amio mamā ma le tulaga faagaeeina o le vaaiga o le fealofani o uso, o se vavega e sili atu ona maoae i lo soo se isi lava mea tusia i Evagelia. Ina ua mavae lua senituri o Faitioga Faafiapopoto o tala i le soifuaga, uiga, ma aʻoaʻoga a Keriso, ua tumau pea le manino, ma avea o se vaega faatosina i le tala faasolopito o tagata i Sisifo.”