O le Soifuaga o Iesu ma Lana Faiva

O se Isi Malaga Taamilo o le Talaiga i Kalilaia

INA ua mavae le lua tausaga o le talaʻiga maelega, pe o le a amata ai loa nei e Iesu ona faamatuu atu ma faatuatuai? I le tuu feagai ai, ua faalauteleina atu lana galuega talaʻi, i le toe sauni atu foi o se isi malaga faataamilo lona tolu, i Kalilaia. Ua ia asiasi atu i aai uma ma nuu i lea oganuu, ua ia aʻoaʻo atu i sunako ma talaʻi atu ai le tala lelei o le Malo. O mea ua ia silafia i lenei malaga ua faamautinoa ai ia te ia le sili atu sa leʻi faapea ona i ai le manaomia ona faalauteleina o le galuega talaʻi.

So o se mea lava e maliu atu i ai Iesu, na te silafia ai lava le motu o tagata o loo manaomia ni faamalologa faaleagaga ma ni faamafanafanaga. Ua pei i latou uma o ni mamoe ua leai se leoleo, ua le iloa i latou ma tuulafoaiina, ma ua matuā mutimutivale ai lona alofa ia te i latou. Ua ia fetalai atu i ona soʻo, “E tele le saito e seleseleina, a o le au faigaluega e toaitiiti ia; o le a ia outou aioi atu ai i le Alii e ana le saito e seleseleina, ina ia aauina mai e ia ni e galulue i lana saito e seleseleina.”

O loo i ai se fuafuaga a Iesu mo ana gaoioiga. Ona ia valaau atu lea i ona aposetolo e toa 12 ina ia faapotopoto mai ia te ia, o ē na ia muaʻi filifilia pe ua tusa nei ma le tausaga. Ua ia tofia i latou e taitoalua, ma ua maua ai paga e ono o le au talaʻi, ona ia tuuina atu foi lea ia i latou o poloiga, i lona fetalai atu: “Aua tou te o atu i se aai o Samaria; ae lelei ona outou o atu i mamoe o le aiga o Isaraelu ua le iloa. A outou o, ia outou talaʻi atu, ia faapea atu, Ua latalata mai le malo o le lagi.”

O le Malo lea o lea latou talaʻia, o le Malo lena na aʻoaʻo ai i latou e Iesu e tatalo i ai i lana tatalo faaaʻoaʻo. Ua latalata mai la i le Malo lea i se uiga faapea, sa i a iia i latou le Tupu tofia a le Atua, o Iesu Keriso. Ina ia faavaeina la le faamaoniga o le faamaoni o ona soʻo e fai ai ma sui o lena malo malosi, ua tuuina atu a ie Iesu ia i latou le mana e faamalōlō ai maʻi ma e oo lava i le faatūtūina o ē ua oti. Ua ia faatonu foi ia i latou ina ia faia fua nei auaunaga.

Ona sosoo ai lea m lona fetalai atu i ona soʻo ina ia aua neʻi sauniunia ni mea faitino e ave i la latou malaga taamilo o le talaʻiga. “Aua neʻi teu ma outou o auro, po o ario, po o ʻapa memea i o outou fusi. Aua foi le ave se taga i le malaga, aua foi le tailua o ofu tino, po o see vae, po o se tootoo; auā e tatau ona avatu le mea e ʻai i le fai galuega.” O i latou o le a talisapaia le feau o le a tali atu ma avatu meaʻai ma mea e api ai. E pei ona fetalai mai Iesu; “O se aai po o se faoa aai tou te oo atu i ai, ia fesili po o ai se i ai ua tatau; ia outou nonofo ai i le tou o ai.”

Ona avatu loa lea e Iesu fautuaga i le pe faapefea ona faafeiloaʻi atu i tagata o aiga ma le feau o le Malo. “A outou ulufale atu i se aiga,” ua ia faatonu atu ai, “ia outou ofo alofa atu i ai. Pe afai ua tatau lea aiga, ia oo atu i ai la outou faamanuia; a e afai ua le tatau, ia toe faafoi mai ia ia te outou la outou faamanuia. Ai se le talia outou, pe le faalogo i a outou upu, a outou o atu nai lea fale po o lea aai, ia outou tūtū atu le eleele nai o outou vae.”

O se aai e teena la laotu feau, ua fai atu Iesu: “O le aso faamasino e feololo ai Sotoma ma Komoro i lea lava aai,” Ua faaalia i lenei mea faapea, e lē taumatea o nisi o ē amioletonu sa talaʻi i ai ona soʻo o le a i ai i le Aso Faamasino. Ae peitaʻi, afai e toe faatutūina nei uluaʻi tagatanuu i le Aso Faamasino, atonu o le a sili atu lava ona faigata ona faamaulaloina i latou ma talia Keriso e avea o se Tupu, na i lo o tagata amioleaga i aai o Sotoma ma Komoro anamua, o ē o le a toe faatutūina mai. Mataio 9:35-10:15; Mareko 6:6-12; Luka 9:1-5.

◆ O afea e amata ai e Iesu se malaga faataamilo ona tolu mo le talaʻiga i Kalilaia, ma o le ā ua ia mautinoa mai ai?

◆ Ina ua aauina atu ona soʻo e toa 12 e talaʻi, o ā ni faatonuga ua ia avatu ia i latou?

◆ Ai se ā na saʻo ai mo lea usoʻo ona aʻoaʻo faapea ua latalata mai le Malo?

◆ O le a faapefea ona sili atu ona faigofie mo Sotoma ma Komoro, na i lo i latou na teena soʻo o Iesu?