O le Ā le Uigā o Au Tatalo?

“Ua ou valaau ia te oe ma le loto atoa; Ieova e, ia e tali mai ia te au.”—SALAMO 119:145.

1, 2 (a) O le ā le faataoto a Iesu ua talafeagai ma le tatalo? (e) O le ā le faaiʻuga na maua mai e Iesu i tatalo e lua, ma o le ā e tatau ona faaalia e lenei mea ia i tatou?

O Ā ituaiga o tatalo e faafofogaina e Lē Na Foafoaina Mea, o Ieova le Atua? O se faataoto na taʻua e Iesu Keriso ua faaalia a ise tasi o tulaga autū e talia ai e le Atua tatalo. Na taʻua e Iesu faapea e toalua ni tamaloloa na tatalo i le malumalu i Ierusalema. O le tasi o se Faresaio maualuga e faaaloalogia, a o le isi o se ao lafoga e inosia. Na tatalo le Faresaio: “Le Atua e, ou te faafetai atu ia te i, ina ua ou le pei o isi tagata . . . e le pei o lela telona foi. E tailua i vaiasosa ona ou anapogi, ou te avatua mea e sefuluaʻi ai mea ou te maua.” A e o le ao faloga loto maulalo “ua popō lona fatafata, ua faapea atu, Le Atua e, ia e alofa mai ia te au le tagata agasala.”—Luka 18:9-13.

² I lana faamatalaga e uiga i nei tatalo e lua, na fetalai ai Iesu: “Ou te atu ia te outou, na alu ifo lena tagata (le telona) i lona fale ua taʻuamiotonuina, a e le faapea le isi (le Faresaio); auā o sē faamaualuga ia te ia, e faamaualaloina lea; ao lē faamaulalo ia te ia, e faamaualugaina lea.” (Luka 18:24) Ma le manino lava, na faalia ai e Iesu faapea o le tau ina tatalo i lo tatou Tamā faalelagi e lē lava. O le faapefea ona tatou tatalo,—e uiga i ō tatou manatu e—tāua tele foi.

3. (a) Taʻu mai ni tulafono autū o loo pulea i le tatalo? (e) O ā tulaga e tatau ona faia ai tatalo?

³ O le tatalo o se faaeaga tāua moni lava, e mamafa ma uigā, ma o Kerisiano uma ua latou iloa lelei, e masani tele ma tulafono faavae e pulea a ile faiga o tatalo. O tatalo e tatau ona tuusao atu i le Atua moni e toatasi, o Ieova. E tatau ona auala atu i le suafa o lona Alo, o Iesu Keriso. Ina ia talia, e tatau ona ofoina atu i le faatuatua. Ioe, auā “e tataui lē (faalatalata)atu i le Atua ona talitonu o loo siofua o ia.” E lē gata foi i lea, o tatalo a se tasi e tatau ona ōgatasi ma le finagalo o le Atua. (Eperu 11:6; Salamo 65:2; Mataio 17:20; Ioane 14:6, 14; 1 Ioane 5:14) Ma ua tatou iloa mai faaaʻoaʻoga faale-Tusi Paia, o tatalo e mafai ona avatu ai se viiga, faafetai, olega, ma faatoga.—Luka 10:21; Efeso 5:20; Filipi 4:6; Eperu 5:7.

Faaaʻoaʻoga o Tatalo Uigā

4. (a) O ā faaaʻoaʻoga o tatalo uiga, na saunia e Mose ma Iosua? (e) O ā faaaʻoaʻoga na tuuina mai e Tavita ma le Tupu o Esekia? (i) O le ā le uiga masani sa i ai i le tele o nei tatalo?

⁴ Pe a fesagai ma ni faafetauli mamafatu, e manaomia ai le faia o ni filifiliga uigā, le faia o ni sese matuiā, po ua faamatauina foi o tatou ola, e tatau lava ona faia faapitoa a tatou tatalo ma le loto faamaoni ma ia uigā. Talu ai ona sa fouvale tagata Isaraelu ina ua latou faalogo i le lipoti sese na taʻuina mai e sipai e toasefulu lē faamaoni, na fetalai atu ai loa Ieova ia Mose e tatau ona soloiesea ia tagata. A e sa aioi atu Mose ia Ieova i se tatalo uigā ma le loto faamaoni ina ia lē faaoo lenei mea auā o loo aafiaai lona suafa. (Numera 14:11-19) Ina ua faatoilaloina Isaraelu i Ai ona o le matapeapea tele o Akana, na faaleo atu ai foi e Iosua se olega e aupito sili ona ootia ai ona o le suafa o Ieova. (Iosua 7:6-9) O le tele o salamo a Tavita o lo fai i ni tatalo loto faamaoni o se faaaʻoaʻoga patino e teʻi ai o le Salamo 51. O se isi foi faaaʻoaʻoga lelei o tatalo uigā, o le tatalo lea a le Tupu o Esekia i le taimi na osofaʻia ai e le Tupu o Asuria o Sanerivi ia Iuta, ma na toe aafia ai foi le suafa o Ieova.—Isaia 37:14-20.

5. Ua ia i tatou ā isi faaʻaoaʻoga o tatalo uigā na faia e nisi o auauna a Ieova?

⁵ O le tusi o Auega atonu ua faapea mai, o se tatalo umi ma le loto faamaoni a Ieremia ona o ona tagata, auā na toe taʻua ai foi Ieova i inā. (Auega 1:20; 2:20; 3:40-45, 55-66; 5:1-22) Na ofoina atu foi e Esera ma Tanielu ni tatalo uigā ma le loto faamaoni ona o ō latou tagata, na faaioa atu ai sese o ō latou nuu ma aioi atu mo le faamagaloga. (Esera 9:5-15; Tanielu 9:4-19) Ma e mafai foi ona tatou mautinoa o le tatalo a Iona a o i ai i totonu o le manava o le iʻa tele sa faamaoni foi ma uigā.—Iona 2:1-9.

6. (a) O ā faaaʻoaʻoga o tatalo uigā na tuuina mai e Iesu ia i tatou? (e) O le ā le tulaga autū e manaomia ina ia faia ai ia uigā a tatou tatalo?

⁶ A o lei filifilia aposetolo e toa 12, na faaalu e Iesu le po atoa e tatalo ai ina ia faia le finagalo o lona Tamā, i le faia o filifiliga. (Luka 6:12-16) E i ai foi le tatalo uigā a Iesu i le po na faalataina ai o ia, e pei ona faamauina i le Ioane mataupu 17. O nei tatalo uma ua aumaia ai se faamaoniga uigā i se faiā lelei ma Ieova le Atua, lea sa olioli ai i latou na faaleoina ia tatalo. E aunoa ma se faaletonu, e ao ona o se mea moni autū lenei ia tatou tatalo pe afai e manao ia uigā. Ma e manaomia ona ia faamoni ma uigā, pe afai ia ‘⁠lava le malosi’ ma Ieova le Atua.—Iakopo 5:16, The Jerusalem Bible.

O ni Mea e Ponā ai Ona o le Lē Lelei Atoatoa Faaletagata

7. O ā fesili atonu e mafai ona tatou fesiligia e faatatau i a tatou tatalo?

⁷ E pei lava ona matauina, pe a i lalo o tulaga faigata, ua faapena ai foi ona manaomia faapitoa lava lo tatou faamaoni ma le uigā i a tatou tatalo. A e faapefea a tatou tatalo i aso fai soo? Pe ua atagia moni ai se faiā mafana ma le vavalalata o tatou lagona e uiga i lo tatou Tamā faalelagi, o Ieova le Atua? E moni a ile faaupuga: “O le tatalo e tatau ona i ai sona uiga ia i tatou, pe afai ia uigā foi i le Atua.” Pe tatou te tuuina atu ia tatou tatalo manatu e tusa ma le mea o manaomia ma ia mautinoa e sau moni lava mai i o tatou loto faafaatusa?

8. O ā pona atonu e i ai i a tatou tatalo talu ai ona o le lē lelei atoatoa faaletagata?

⁸ E faigofie lava ona faaitiiti pe faalētaua ai a tatou tatalo i lea itu. Ona o mafaufau uma o manatu lē lelei atoatoa tuufaasolo mai, ua faigofie ai ona faaseseina i tatou e ō tatou loto, ma gaoia ai atataou tatalo mai uiga e tatau ona i ai. (Ieremia 17:9) I le tele lava o tulaga, sei vagana lava ua tatou faatali ma famaumau a e tatou te lei tatalo atu, ona tatou iloa ai lea o a tatou tatalo ua tauāu ina pei o le alu a le masini, e pei o se laau pese, pe avea ma masani. Pe oo foi ina tautū i upu, e manatua ai le fetalaiga a Iesu e uiga i le auala lē saʻo o ‘loo tatalo ai tagata o nuu.’ (Mataio 6:7, 8) Pe o ā tatou tatalo ua na ona talafeagai ma mea masani na i lo o le taʻua a i o mataupu patino po o ni tagata faapitoa foi.

9. O ā isi lua e paʻuū ai e tusa ai ma a tataou tatalo atonu e ono mapuna aʻe, ma o le ā le isi mafuaaga lē masalomia o nei lua e paʻuū ai?

⁹ I nisi taimi tatou te faatopelauina ai ona fai a tatou tatalo. A e lelei ona matau: “Afai ua e pisi tele ua lē mafai ai ona e tatalo, talofa ia te oe,” E lē tatau ona tatou tauloto ni upu ma tautū pea i ai i taimi uma tatou te tatalo ai; e lē tatau foi i sē molimau ia Ieova ona faitau mai se pepa sana tatalo, e pei o se fonotaga mo le lautele. E mautinoa lava o nei lua e paʻūū ai ua mapuna aʻe, ona o le mea moni, i se isi itu e lē mafai ona tatou vaaia Ieova le Atua i se tulaga faaletino, o Lē tatou te tatalo atu i ai. A e peitaʻi, tatou te lē faatalitalia o ia o le a faamalieina i na tatalo, ma tatou te le maua ai foi ni aogā mai le faia o na tatalo.

Foia o Pona

10. (a) O le ā le uiga o le a faaalia ai le leai o se talisapaia mo le tāua o le tatalo? (e) O le ā le faataʻitaʻiga faale Tusi Paia ua maitauina?

¹⁰ O le tele o le tatou talisapaia o le tāua o a tatou tatalo i aso fai soo, ma ia i ai se faiā lelei ma lo tatou Tamā faalelagi, o le a mafai ai ona leoleoina i tatou faasaga i lua e paʻūū ai e pei ona uluai ta’ua. O se tasi mea, o le a fesoasoani le talisapaia ia ia tatou e leoleo ai faasaga i le faatopetpoe ona faia o a tatou tatalo ina ia va e ona oo ia mea e sili ona tāua e tusa ma o tatou manatu. E leai se mea e sili ona tāua na i lo o le talanoa atu i Le Pule Aoao o Ieova le Atua. E moni atonu e i ai nisi o mea e faatapulaa ai le taimi. Mo se faaaʻoaʻoga, ina ua fesili atu le Tupu o Aretaseta i lana tautū uaina o Neemia, “Se a ea le mea e te manao ai?” Ona ‘tatalo loa lea o Neemia i le Atua o le lagi.’ (Neemia 2:4) Talu ai ona na faatalitalia e le tupu se tali vave mai, sa lei faataamilo umi ai e Neemia lana tatalo. A e atonu e mafai ona tatou mautinoa le uigā ma na sau mai lona loto, ona sa vave lava ona tali mai i ai Ieova. (Neemia 2:5, 6) Seʻi vagana ai ni mea faapea e seāseā tutupu, a e peitaʻi, e tatau lava ona aua le faatopelauina a tatou tatalo, a ia faatoʻatoʻa lelei ona fai, ma ia tuuese isi mea. Afai tatou te mananao e faatopetope a tatou tatalo, tatou te lē o matuā talisapaia atoa la le tāua o le tatalo.

11. O le ā le isi lua e paʻūū ai e manaomia ona tatou leoleo faasaga i ai, ma o le ā le faaaʻoaʻoga lelei na faataatia e Iesu e tusa ai ma lenei mea?

¹¹ O le isi lua e manaomia ona tatou aloese ai, o le tautū i mea masani. O na tatalo e lē taulau foi ona faia ia le mea tonu e tusa ai ma le faaeaga tautele o le tatalo. I lana tatalo faaaʻoaʻo, na faataatia ai e Iesu se faaaʻoaʻoga lelei mo i tatou e tusa ai ma lenei. Na ia taʻua ni olega māioio se fitu, e tolu e feagai ma le manumalo o le amiotonu, e tasi e feagai ma o tatou manaoga i aso fai soo, ma le isi tolu e feagai ma lo tatou lelei faaleagaga.—Mataio 6:9-13.

12. O ā faaaʻoaʻoga lelei na saunia e Paulo ina ia patino i a tatou tatalo?

¹² Na faataatia e le aposetolo o Paulo se faaaʻoaʻoga lelei mo i tatou i luga o nei faavae. Na ia aioi i nisi e tatalo mo ia ina ‘⁠ia mafai ona tuuina atu ia te ia le poto e faamalosia ai ona tautala atu.’ (Efeso 6:18-20) Sa patino lava foi o ia i ana tatalo mo isi. “O laʻu tatlo foi lenei,” na fai atu ai Paulo, “ia faatuputeleina pea lava lo outou alofa, ma le iloa lelei, atoa ma le faautauta uma; ina ia masino ia te outou mea uiga eseese, ina ia avea outou ma ē faamaoni, ma le le taʻuleagaina pe a oo i le aso o Keriso; ia tutumu outou i fua o le amiotonu ma ia Keriso Iesu, ina ia viia ai ma faaneeneeina a i le Atua.”—Filipi 1:9-11.

13. E mafai faapefea ona tatou faia ni tatalo uigā e tusa ai ma ituaiga eseese o a tatou auaunaga ia Ieova?

¹³ Ioe, e tatau ona feagai a tatou tatalo ma ni mea patino, ma e manaomia ai i lenei lo tatou manatunatu i a tatou tatalo. (Faatusatusa le Faataoto 15:28) A o i ai i le faiva i le fanua, e mafai ona tatou talosaga atu i le Atua e lē gata i lana faamanuiaga i a tatou taumafaiga, a e ia faapea foi ma le atamai, le tomai, le loto faamagalo po o le agalelei, le saoloto e tautala atu, po o le fesoasoani i so o se vaivaiga o taumafai e faavaivaia i tatou, mai i la tatou maelega i la tatou molimau atu. E lē gata i lea, pe e lē mafai ea ona tatou talosaga atu i le Atua ina ia taʻitaʻi i tatou i ē o matelaina ma galala mo le amotonu? A o lei avatua se lauga lautele po o le faia o se vaega i le Sauniga o le Auaunaga, po o le Aʻoga o le Faiva Faatiokarate, e mafai ona tatou ole atu ia Ieova ina ia mafuta mai ma le tamaoaiga lona agaga paia i totonu o i tatou. Ai se a? Ina ia tatou mautinoa ma ia mauaa, ia mafai ai ona tatou tautala atu, ma le faamaoni ma le mautinoa, ina ia viia a i le suafa o le Atua ma atiina aʻe ai o tatou uso. O na tatalo uma o loo fesoasoani foi ina ia i ai uiga saʻo o ō tatou mafaufauga pe a tatou tautala atu.

14. O le ā e tatau ona tatou uiga ai e tusa ai ma vaivaiga faaletino e faigata ona foia?

¹⁴ Pe o i ai so tatou vaivaiga faaletagata o loo tau faasaga i lo tatou itu faaleagaga ma e foliga mai e faigata ona foia? E tatau lava la ona tatou mananao ia faafeagai patino lava m lea i a tatou tatalo. Ma ina ia faamamao ma i le faalotovaivai, aua lava nei ō tatou faavaivai i le fesili atu ma le loto maulalo ma le faamaoni i le Atua, ina ia fesoasoani mai ia i tatou ma ia faamagaloina i tatou. Ioe, i lalo o nei tulaga, e tatau lava ona tatou mananao e ō atu ia Ieova e pei o se atalii ona alu atu i lona tamā pe a tupu ai se faalavelave, e tusa lava pe tatou te tatalo soo i le Atua ona o lea lava vaivaiga. Afai tatou te faamaoni, o le aaumaia e Ieova ia i tatou le fesoasoani ma tatou iloa ua ia faamagaloina i tatou. I lalo o na tulaga, e mafai foi ona tatou maua ni faamafanafanaga mai le tautinoga a le aposetolo o Paulo faapea na i ai foi sona ia faafitauli.—Roma 7:21-25.

Fesoasoani i le Ofoina atu o Tatalo Uigā

15. Faatasi ai ma le ā le uiga o manatu e tatau ai ona tataou faalatalata atu ai ia Ieova le Atua i le tatalo?

¹⁵ Ina ia uigā moni ai a tatou tatalo e tatau ona tatou taumafai ina ia faateaese uma manatunatuga i fafo a e ia uaʻi saʻo atu i le mea moni faapea, o loo tatou ō atu i luam o le Atua Silisili, o Ieova. E manaomia ona tatou faalatalata atu ia te ia ma le faaaloalo loloto, i le talisapaia o lona matautia. E pei ona taʻu atu e Ieova ia Mose, e leai se tasi e mafai ona vaai i le Atua ma ola pea. (Esoto 33:20) O lea, e manaʻomia ai ona tatou faalatalata atu ia Ieova ma le lotomaulalo e tatau ai ma le migao, o se manatu lea na faamamafa e Iesu i lana faataoto i le Faresaio ma le telona (po o le ao lafoga). (Mika 6:8; Luka 18:9-14) E tatau lava ona moni Ieova ia i tatou. E tatau lava ona ia i tatou uiga e tasi o manatu e pei ona i ai ia Mose. “Na faamalosi o ia pei o sē iloa tau i le le o vaaia.” Eperu 11:27) O na uiga e molimau atu i le i ai o sa tatou faiā lelei ma lo tatou Tamā faalelagi.

16. O le ā le vaega a ō tatou loto e faia i le faaleoina atu o tatalo uigā?

¹⁶ O le a uigā foi a tatou tatalo pe a tatou o atu ia Ieova ma o tatou loto ua tutumu i le alofa ma le tigā alofa mo ia. Mo se faataʻitaʻiga, maeu se talisapaia o Ieova le Atua ma le alofa mo ia na faaalia e le faisalamo o Tavita i le Salamo 23 ma le 103! E lē ma fesiligia le i ai o se faiā lelei a Tavita ma lona Leoleo Mamoe Sili, o Ieova le Atua. I le Aʻoga o le Faiva Faatiokarate, o loo fautuaina ai i tatou ina ia tautala ma le malū ma ia i ai ni lagona. E tatau lava ona faapena a e maise pe a tatou faitauina mau, ma ia sili atu ai foi ona faapena pe a tatou tatalo atu i lo tatou Tamā faalelagi. Ioe, tatou te mananao ia i ai le lagona faapei o Tavita ina o ia tatalo: “Ieova e, ia e faailoa mai ia te au ou ala; ia e aʻoaʻo mai ia te au i ou magaala. Ia e taitaʻi mai ia te au i le mea moni mai ia te oe, ma aʻoaʻo mai ia te au, auā o oe o le Atua o loʻu olataga.” Ua faailoa mai foi e upu a le isi faisalamo po o o le ā e tatau ona tatou lagona ai: “Ua ou valaau ia te oe ma le loto atoa; Ieova e, ea e tali mai ia te au.”—Salamo 25:4, 5; 119:145.

17. E mafai faapefa ona tatou tausia a tatou tatalo mai le tautū ia tatou upu?

¹⁷ Ina ia tausia le uigā o ā tatou tatlo ma ia alofia ai le tautū i upu, e sili ona lelei pe a fesuisuiai manatu e aafia ai. O le mau o le aso mai le Tusi Paia po o ni lomiga faa-Kerisiano na tataou faitauina atonu o le a maua ai so tatou manatu. O le matua o le lesona mai le Olomatamata, le lauga lautele, po o fonotaga ma tauaofiaga o loo tatou auai atonu o le a fetaui lelei mo lea fuafuaga.

18. Ina ia faia a tatou tatalo ia sili atu ona uigā, o le ā atonu e mafai ona tatou faia ina ia tausisi atu ai i upu ma faaaʻoaʻoga faale-Tusi Paia?

¹⁸ Ina ia fesoasoani ia i tatou ia i ai se uiga lelei o le tatlao ma faia ai atatou taatlo ia sili atu ona uigā, e lelei pe a suia o tatou tulaga faaletino. Mo tatalo i luma o le lautele, e masani ona punonou o tatou ulu. A e peitaʻi, mo le tele o tatalo totino, ua iloa e nisi e lelei ona tootuli atu i luma o Ieova, pe a taalo le tagata lava ia, pe avea foi ose aiga auā ua latoau iloa, o lena tulaga e faamalosia ai i latou ia i ai se uiga o le loto maulalo. I le Salamo 95:6, ua uunaia ai ia tatou: “O mai ia, ia tatou ifo, ma ia tatou punonou; ia tatou tootuli i luma o Ieova o le na faia i tatou.” Na tootuli Solomona ina o ofoina atu lana tataloi le faapaiaina o le malumalu o Ieova, ma na faia foi ma masani a Tanielu le tootuli pe a tatalo.—2 Nofoaiga a Tupu 6:13; Tanielu 6:10.

19. O i latou ua i ai avega tauave mo tatalo i le lautele o le a sili ona lelei pe a i ai i le mafaufau ā mea moni?

¹⁹ I le vaai atu i le tāua o le tatalo, e tatau ai i toeaina tofai ona faia se faamasinoaga lelei, po o ai o le a latou valaaulia e ofoina atu le tatalo i luma o le lautele, e fai ma sui o le faapotopotoga. O le tane papatisoina o le a fai ma sui o le faapotopotoga, e tatau ona ave o se faifeau Kerisiano taumatuaina. E tatau ona faaalia ia lana tatalo e i ai sona fāia lelei ma le Atua. Ma o i latou ua faaeaina e ofo atu ia tatlo e tatau ona mafaufau ia lagona mai leleo, auā latou te lē o tatalo mo na o ia latou, a e o loo fai ma sui o le faapotopotoga atoa. Auā e faapefea ona aufaatasi le faapotopotoga atoa i lo latou faapea mai “Amene” i le faaiuga o le tatalo? (1 Korinito 14:16) O le mea moni, ina ia mafai ona uigā la latou “Amene” e tatau ona latou faalogologo lelei, a e aua le tafao solo mai o le mafaufau a e ia faia moni le tatlao o sa latou mea totino. O se isi upu lapatai e mafai ona faaopoopo atu e faapea, ona tau ai o na tatlo o loo ofoian ia Ieova le Atua, e lē tatau la ona ona avea ma faamolemolega e talaʻi atu ai i le au faalogologo po o le tuuina atu ai o ni manatu totino.

20. Ona o tatalo uigā e faia ma le leotele ina ia avatu ai le faamanuiaga i le au faalogologo, o le ā le fautuaga ua faia?

²⁰ Pe uigā moni a tatou tatalo e faaleoina atu, latou te avatu ai se faamanuiaga i le au faafofoga. Ona e tatau ona faia faapea, o ulugalii faaipoipo la ma aiga e lelei pe a faia sa latou tatalo masani pe faatasi i le aso. I lea tatalo, o se tasi e pei o le ulu o le aiga, o le a tautala atu ai mo le isi po o le aiga atoa.

21. Ina ia uigā a tatou tatalo, o le ā le isi mataupu e tāua ona talanoaina?

²¹ Ina ia uigā moni a tatou tatalo, e i ai foi la le isi mataupu e sili ona tāua e tatau ona tatou uai atu i ai. O le mea moni lenei, e tatau ona tatou tausisi atu i a ie tusa ma a tatou tatalo, o le ā le uiga o lenei mea? Ina ia tatou ola e tusa ai ma ā tatou tatalo, ma tatou galulue e tusa ai ma mea ua tatou tatlo ai. O lenei la taualumaga e uiga ia tatou tatalo, o le atalanoaina i le mataupu o loo fotuai mai.

E Faapefea ona E Tali?

◻ O ā nisi o tatalo uigā o loo faamauina i le Tusi Paia?

◻ Ona o le lē lelei atoatoa faale-tagata, atonu ua faapefea ona ponā ai a tatou tatalo?

◻ E mafai faapefea ona tatou foia ni pona i ā tatou tatalo?

◻ O ā ni fesoasoani i lo tatou ofoina atu o ni tatalo uigā?