Fonotaga Faaletausaga

OKETOPA 1, 1994

O LE FONOTAGA FAALETAUSAGA a sui o le Watch Tower Bible and Tract Society of Pennsylvania, o le a faia ia Oketopa 1, 1994, i le Maota Fono o Molimau a Ieova i le 2932 Kennedy Boulevard, Jersey City, New Jersey. O le uluai fonotaga e mo na o sui o le a tauaofia i le 9:30 i le taeao, ona sosoo ai lea ma le fonotaga masani faaletausaga i le 10:00 i le taeao.

E ao i sui o le Faalapotopotoga ona faailoa atu nei i le Ofisa o le Failautusi ni suiga o o latou tuatusi o meli talu mai le tausaga ua mavae, ina ia oo atu ia Iulai ae ua mafai ona latou maua tusi masani o ni faaaliga ma pepa faamaonia mo le auai pe leai foi.

O pepa faamaonia, ia o le a aauina atu i sui faatasi ma faaaliga o le fonotaga faaletausaga, e tatau ona toe faafoi mai i le Ofisa o le Failautusi o le Sosaiete ia lē silia le aso 1 o Aokuso. E tatau i sui taitasi ona faatumuina vave lana pepa, ia taʻua ai pe o le a auai totino i le fonotaga pe leai. O faamatalaga o le a tuuina mai i lenei pepa e tatau ona maʻoti e tusa ai ma lenei mataupu, talu ai, o le a faamoemoe i ai le faamautinoaina po o ai o le a auai totino.

Ua iai le faamoemoe o le fonotaga atoa, e aofia ai le fonotaga masani faapisinisi ma lipoti, o le a faaiuina i le 1:00 i le aoauli, po o se taimi tau lata ane. O le a leai se fonotaga i le afiafi. Ona o le laitiiti o le avanoa, o le a na o i latou e iai pepa ulufale e faatagaina. O le a leai se fuafuaga e faafesootai atu le fonotaga i ni laina telefoni ma isi fale fono.