TALIINA FESILI FAALE-TUSI PAIA

Na faapefea ona iai le Tiapolo?

Na foafoaina e le Atua se agelu lelei, ae na mulimuli ane avea ma Tiapolo, o lē e igoa foʻi iā Satani. Na taʻua e Iesu, sa iai se taimi na faamaoni ma lē ponā ai lenei agelu. O lona uiga, sa avea muamua o ia ma atalii agelu amiotonu a le Atua, a o leʻi avea ma Tiapolo.​—Faitau le Ioane 8:44.

Na faapefea ona avea se agelu lelei ma Tiapolo?

Na filifili lenei agelu e tetee i le Atua, ma faasesē le uluaʻi ulugalii ina ia ʻau faatasi ma ia. Sa ia faia o ia lava ma Satani, o lona uiga o “Lē e tetee.”​—Faitau le Kenese 3:1-5; Faaaliga 12:9.

I le pei o isi foafoaga atamamai a le Atua, sa iai i lenei agelu le saʻolotoga e filifili ai i le mea saʻo ma le mea sesē. Peitaʻi sa sili atu ona faanaunau o ia e tapuaʻi atu tagata iā te ia, nai lo o le faafiafia o le Atua.​—Faitau le Mataio 4:8, 9; Iakopo 1:13, 14.

O faapefea ona taaʻina pea e le Tiapolo tagata? Pe e tatau ona e fefe iā te ia? E te maua tali o na fesili i le Tusi Paia.