Tala Faatiokarate

Na lipotia mai le mataʻina o faiga suesuega faale-Tusi Paia ia Novema, mai atunuu nei o loo faasolo mai i lalo, o i inā sa faatoʻā aloaia faaletulafono ai talu ai nei la tatou galuega:

Albania: O se aofaiga e tusa ma le 99 o tagata talaʻi sa latou faia ni suesuega faale-Tusi Paia e 210.

Baltic States: Na lipotia mai i nei atunuu se aofaiga ua tuufaatasia e 2,199 o tagata talaʻi, ma le aofaiga e 4,632 o suesuega faale-Tusi Paia na faia.

Bulgaria: Na lipotia mai e tagata talaʻi e 296 o lenei atunuu ni, suesuega faale-Tusi Paia e 657 na faia.

O loo iai foi ni lipoti e faalaeiauina ai ua aumaia mai Aferika:

Central African Republic: Na ausia se tumutumuga fou o le au talaʻi e 1,600 ia Oketopa, ma sa latou lipotia mai le 2,966 o suesuega faale-Tusi Paia i aiga.

Chad: Mai le aofaiga e 345 o tagata talaʻi ia Oketopa, e tusa ma le 654 le aofia na auai atu i a latou fonotaga e ono o aso faapitoa.

Rwanda: Ia Novema, na lipotia mai ai e tagata talaʻi e 1,762 ni suesuega faale-Tusi Paia e 6,270 na faia i aiga.

O nei lipoti ua tuufaatasia, ua matuā faamaonia ai le faataunuuina i le taimi lenei e Ieova o lana folafolaga, ina ia faavave le galuega o le aoaoina i o tatou aso.—Isaia 60:22.