Pe Tatau ona Fesuisuiai?

Ua saunia e lomiga taitasi o La Tatou Faiva o le Malo le tele o taulimaga faale-Tusi Paia, e mafai ona tatou faaaogāina pe a tatou molimau atu. O le toatele o tagata talaʻi o ē malolosi i le galuega, e naunau e maua ni manatu fou ma faaaogā ni faafeiloaiga eseese. Ua iai i La Tatou Faiva o le Malo na faamatalaga mo i latou, e ala i le aumaia pea o ni fautuaga i masina taitasi.

E ui i lea, atonu e te lē manao e sui le auala o loo e faaaogāina. Atonu e na o ni nai itula e te avanoa ai i le masina e faia ai sou sao i le galuega i lea fale ma lea fale. Pe a mavae ni taimi, atonu ua e atiina aʻe ni taulimaga patino e te lagona e lelei lava ia te oe, ma e maua mai ai ni iuga lelei i le faaaogāina o na taulimaga. Atonu e te faalagolago tele i nisi o mau ua faaaogāina soo, e aofia ai le Salamo 37:9-11, 2 Peteru 3:13, Faaaliga 21:4 ma isi lava mau. Afai o lea le tulaga, e lē manaomia la ona e lagona faapea o se mea ua tatau ona e fesuisuiai soo atu i isi taulimaga. O lo tatou sini autū, o le tufa atu lea i isi o le faamoemoe o le Malo, ma fesoasoani atu ia i latou e iloa le mea e tatau ona latou faia, ina ia aeae ai i faamanuiaga a Ieova. Afai e te maua i le tusi Reasoning ni taulimaga ua fetaui lelei ma faaosonaunau e te manao e faaaogā, ma ua e maua mai ai ni iuga lelei, ia faaaogā loa na taulimaga ae aua le faatalatu.