Pusa Fesili

◼ E ao faapefea ona lipotia ni suesuega faale-Tusi Paia a le aiga po o nisi suesuega, e faia ma ni fanau laiti e leʻi papatisoina o loo i le vaavaaiga pea a ō latou mātua Kerisiano ua tuuina atu?

Ina ia faatino le matafaioi o le aʻoaʻoina o le fanau i ala o Ieova, e alu ai le tele o se taimi ma ni taumafaiga a mātua Kerisiano ua tuuina atu. (Teu. 6:6,7; Efe. 6:4) E tusa po o taimi uma o aofia ai o le a lipotia mo le auaunaga i le fanua, e lē taulia lena i le tāua o le matafaioi a mātua.

Ua tuufaatasia le lipoti o le auaunaga i le fanua a le faapotopotoga, e faailoa autū atu ai mea ua faataulauina i le faiva i le fanua, i le talaʻiga o le tala lelei i le lautele, ma le aʻoaʻoina o le upu moni i tagata e leʻi avea o ni Molimau ua tuuina atu ma papatisoina. (Mata. 24:14; 28:19,20) Peitai, afai o loo faia e lē aunoa e se matua Kerisiano ua tuuina atu se suesuega faale-Tusi Paia a le aiga, ma o loo aofia ai ma se fanau e leʻi papatiso, o ē o loo i le vaavaaiga pea a mātua, e ao la i lea matua ona ia lipotia e na o le tasi lava le itula ma le toe asiga e tasi i vaiaso taitasi o loo faia ai le suesuega, ma le suesuega faale-Tusi Paia e tasi e lipotia mo le masina. O le tulaga lava lena, e tusa pe sili atu i le itula o fai le suesuega i taimi taitasi, po o le silia foi i le faatasi o faia suesuega i le vaiaso. O nisi suesuega faaopoopo po o taimi e faaalu i le aʻoaʻoina taitoatasi o le fanau o le a lē aofia ai i le lipoti o le auaunaga i le fanua, ae e manatu i ai o se faailoga lea o le faanaunauga sili o se matua ina ia aʻoaʻo le fanau ia amio Atua.—Faata. 22:6.

Ae faapefea pe afai ona o ni mafuaaga, ua ao ai i mātua ona manaomia se fesoasoani ina ia matuā faagoto ifo le upu moni i loto o ā latou fanau? Atonu latou te talosagaina isi e fesoasoani ane. Pe afai o se isi tagata talaʻi lea ua talosagaina e tuuina atu lena fesoasoani, e lelei la ona talanoaina lenei mataupu ma le ovasia taʻitaʻi po o le ovasia o le auaunaga. Pe afai e fou mātua i le upu moni po o nisi foi mafuaaga ua manaomia ai se fesoasoani mo ā latou fanau, ma ua fetaui ai ona fautuaina se isi tagata talaʻi e faia se suesuega faale-Tusi Paia ma le fanau, e mafai la ona faia lena mea. I lena itu o le a mafai ai e lē o taitaia le suesuega ona tau le taimi, le toe asiga ma le suesuega, pe afai e leʻi papatiso tamaiti.—Tagaʻi i le mataupu, “Pe ua na o Oe ea le Tagata o Lou Aiga e Upu Moni?” i le Our Kingdom Service o Ianuari 1980, ma le mataupu, “Faia le Mea e Lelei mo Ē Talavou” i le lomiga o Aokuso 1980.