Sauniuni mo le Faamanatuga

Po ua faailoa atu i tagata uma e aofia ai ma le failauga le taimi tonu ma le nofoaga e fai ai le faamanatuga? Po ua iloa e le failauga e le tatau ona sili atu i le 45 minute le polokalama?

Po ua tofia se tasi na te saunia le areto ma le uaina? (Tagai i Le Olomatamata o Fepuari 15, 1990, itulau 16-18.) Po ua faia se fuafuaga mo le saunia o se ʻie laulau mamā ma ia lava ni ipu malamalama ma ni ipu mafolafola?

Po ua faia ni fuafuaga ina ia muai faamamā lelei le Maota o le Malo a o lei faia le polokalama ma pe a uma foi? Po ua tofia le au tautua ma ē tautuina le areto ma le uaina? Po ua faia se feiloaiga ma i latou e talanoaina ā latou tiute? O le ā le taualumaga e ao ona mulimuli ai ina ia faamautinoa ua tautuaina lelei tagata uma?

Po ua faia ni fuafuaga e fesoasoani ai i tagata matutua ma uso ma tuafāfine e le atoatoa le malosi ina ia auai? Afai o i ai nisi o le vaega faauuina o ē atonu ua faataotolia ma ua le mafai ona auai, po ua faia ea ni fuafuaga mo le tautuaina o i latou?