Tala Faatiokarate

Asiasiga a le Sone: I lana asiasiga i le Lālā a Samoa ia Fepuari, na tauaaoina ai e le ovasia o le sone, le uso o Jack Porter, se lauga faapitoa lea na auai atu i ai se aofia e toʻa 575. Na mavae lena, ona ia agaʻi atu lea mo se asiasiga puupuu i Toga, o iina na auai atu ai se aofia e toʻa 149 i lana lauga.

Atu Solomona: Na ausia se tumutumuga fou o le autalaʻi e 1,393, o ē na lipotia mai ia Novema.

Initia: Na vaaia le lelei o le agaigai i luma o le galuega talaʻi ia Novema, ina ua lipoti mai e le autalaʻi e 18,077 la latou auaunaga i le fanua. O le lona 39 ai lea o a latou tumutumuga faalausosoo.

Laiperia: O se tumutumuga e lei faapea ona iai muamua o le autalaʻi e 2,120, na lipotia mai la latou auaunaga i le fanua ia Novema.

Taiwan: O le aofaiga faatatau o le autalaʻi ua oo atu i ai i lenei tausaga faaleauaunaga e 3,516, o se faatelega lena e 6 pasene ua sili atu ai nai lo le aofaiga faatatau i le tausaga na teʻa nei.

Kuperu: O se faatelega e 2 pasene ia Novema na aumaia ai se tumutumuga fou e 1,758 o le autalaʻi. Na iai foi se tumutumuga fou i paeonia sauatoa, e toʻa 136 na lipoti mai.

Benin: E 5,331 le autalaʻi na lipotia mai ia Novema, ma o le lona 59 ai lena o a latou tumutumuga faalausosoo o le autalaʻi.