Mea ia Manatua mo le Faamanatuga

O le faamanatuina o le Faamanatuga i le tausaga nei e paʻū i le Aso Tofi, Aperila 1. E tatau i toeaina ona uaʻi totoʻa i mea nei:

◼ I le faatulagaina o le taimi mo le sauniga, ia faamautinoa e lē tufaina atu le areto ma le uaina seiloga ua goto le la.

◼ E tatau ona faailoa atu i tagata uma lava e aofia ai ma le failauga le taimi tonu ma le nofoaga e fai ai le faamanatuga.

◼ O le ituaiga o areto ma le uaina talafeagai e tatau ona maua ma sauniunia.—Tagai i Le Olomatamata, Aokuso 1, 1985, itulau 19.

◼ E tatau ona aumai ni ipu mafolafola ma ni ipu malamalama, se laulau talafeagai ma se ie laulau i le maota ma ia muai faatulaga a o lei amataina le sauniga.

◼ E tatau ona muai faamamā lelei le Maota o le Malo po o se isi nofoaga mo le sauniga.

◼ E tatau ona muai filifilia le ʻau tautua ma i latou e tufaina atu le areto ma le uaina ma faatonu lelei e uiga i o latou tiute ma taualumaga saʻo.

◼ E tatau ona faia ni fuafuaga e faaoo atu le areto ma le uaina i nisi o le vaega totoe o ē o loo gasegase ma ua lē mafai ona auai.

◼ Afai e sili atu i le tasi le faapotopotoga o fuafua e faaaogaina le Maota o le Malo e tasi, e tatau ona iai ni feutagaiga lelei i le va o faapotopotoga ina ia alofia le soona tumutumu lē tatau i le faapaologa, le faitotoa, le auala e ulufale mai ai, ma mea e paka ai taavale.