United by Divine Teaching—Se Vaaiga i le Autasi Moni Faaleuso

Na auai se ovasia o le matagaluega i se suʻesuʻega faale-Tusi Paia na faia ma se fafine e leʻi auai lava i sauniga a le faapotopotoga. Sa valaaulia e le ovasia o le matagaluega le fafine e matamata i le vitiō, United by Divine Teaching. I lenā vaiaso, sa auai o ia i se sauniga ma na faapea mai, sa fiafia lava o ia ina ua iai i inā. Aiseā na maua vave ai ni iʻuga lelei i lenei vitiō? Sa faafiafiaina le fafine ona o le auala na faaalia ai lo tatou autasi tāua faaleuso i le lotolotoi o se lalolagi sauā ma le feʻainaʻi.—Ioa. 13:35.

Ia matamata i lenei vitiō e iloa ma lagona ai le filemu ma le alofa o loo olioli ai Molimau a Ieova i le lalolagi atoa. Ona mafaufau loloto lea i fesili nei:

(1) Aiseā na talafeagai lelei ai le matua, “Aʻoaʻoga Tauatua” i tauaofiaga na faia mai le 1993-1994?—Mika 4:2.

(2) O ā aogā na maua e nisi aiga mai upu moni o le Tusi Paia? O le ā se aogā mo lou aiga?

(3) Aiseā e tāua ai le aʻoaʻoina e Ieova?—Sala. 143:10.

(4) O ā tulaga faigatā e tatau ona foʻia ina ia sauniuni ai mo tauaofiaga tetele faavaomalo?

(5) Ua faapefea ona e vaaia le faamaonia o le moni o le Salamo 133:1 ma le Mataio 5:3 i tauaofiaga faa-Kerisiano na e auai ai?

(6) O le ā ua faalauiloa atu ai i le lautele e faatatau i le malolosi o aafiaga o aʻoaʻoga tauatua?—Faaa. 7:9.

(7) E fia le aofaʻiga tele o tagata na papatisoina sa leʻi faapea ona ausia muamua e Kerisiano moni?

(8) O ā upu a Mika, Peteru ma Iesu, ua faataunuuina i Molimau a Ieova?

(9) O le ā ua faamaonia ai iā te oe e faapea, o se aiga autasi faaletagata fiafia, e lē na o ni mafaufauga?

(10) O ai o le a e faaali i ai lenei vitiō, ma aiseā?

Ina ua uma ona matamata i lenei vitiō, sa manaia lava ona aoteleina mai e se tasi tuafafine e faapea: “O le a fesoasoani le vitiō iā te aʻu ou te manatua ai pea e faapea, e matuā toʻatele lava uso ma tuafāfine i le lalolagi aoao o loo auauna faamaoni iā Ieova i le taimi lenei. . . . Maʻeu le tāua o lo tatou autasi faaleuso!”—Efe. 4:3.