Mea e Manatua mo le Faamanatuga

O le faamanatuina o le Faamanatuga i lenei tausaga, e paʻū i le Aso Lulu, Aperila 16. O mea nei e tatau i toeaina ona uaʻi totoʻa atu i ai:

◼ I le faatulagaina o le taimi mo le sauniga, ia faamautinoa e lē tufaina atu le areto ma le uaina seʻia mavae le goto o le lā.

◼ E tatau ona faailoa atu i tagata uma e aofia ai ma le failauga le taimi tonu ma le nofoaga e fai ai le Faamanatuga.

◼ E tatau ona mauaina se areto ma se uaina talafeagai ma ia saunia lelei.—Tagaʻi i le Watchtower o Fepuari 15, 1985, itulau e 19 ma Le Olomatamata o Fepuari 15, 2003, itulau e 14-15, palakalafa 13-18.

◼ O ipu mafolafola, ipu malamalama, se laulau talafeagai ma se ʻie ufi laulau e tatau ona vave aumai i le maota ma faatulaga lelei.

◼ E tatau ona matuā faamamā lelei muamua le Maota o le Malo po o se isi fale o le a faaaogā mo le sauniga.

◼ E tatau ona muaʻi filifilia le ʻautautua ma i latou e tufaina le areto ma le uaina ma faatonu lelei e uiga i o latou tiute, le taualumaga saʻo ma le tāua o laʻei ma teuga mamā.

◼ E tatau ona faia se fuafuaga i le tufaina atu o le areto ma le uaina i nisi o le vaega faauuina o ē e lē o atoatoa le malosi o le tino ma e lē o mafai ona auai mai.

◼ Pe afai e sili atu i le tasi le faapotopotoga e faaaogāina le Maota o le Malo e tasi, e tatau lava ona felagolagomaʻi lelei ia faapotopotoga nei ina ia ʻalofia ai le soona tumutumu vale i le faitotoʻa e ulufale atu ai, i le auala e savavali ai ma le mea e paka ai taavale. Pe a talafeagai e lelei pe a tovā polokalame o le Faamanatuga i le 45 minute.