Mauaina o Aogā Mai le Vitiō No Blood—Medicine Meets the Challenge

O le ā le telē o lou silafia e faatatau i le filifilia o vailaau e lē o iai le toto? Pe e te malamalama o ā nisi o vailaau e sui aʻi tuigātoto, ma e faapefea foʻi ona faaaogā? Ia maimoaina lenei vitiō, ma iloilo lou silafia i fesili o loo mulimuli mai.—Mātau: Talu ai o loo aofia i lenei vitiō ni vaaiga pupuu o ni taotoga, e ao ai la i mātua ona faaalia le faautauta e filifili pe tatau ona matamata ai a latou fanau laiti.

(1) O le ā le māfuaaga autū ua teena ai e Molimau a Ieova tuigātoto, ma o fea o le Tusi Paia o maua ai lenā mataupu silisili? (2) Pe a oo mai i togafitiga faafomaʻi, o le ā lo tatou faanaunauga? (3) O ā aiā tatau o loo i le tagata maʻi? (4) Aiseā e talafeagai ai ma o se filifiliga atamai le teena o tuigātoto? (5) Pe afai ua tele se toto ua alu, o ā gaoioiga faavavevave e lua e muamua lava fai e fomaʻi? (6) O ā lamatiaga tau i le soifua mālōlōina e fesootaʻi atu i tuigātoto? (7) O ā ni meafaigaluega e faaaogā e fomaʻi tipitipi e faaitiitia ai le alu o le toto i taimi o taotoga? (8) O le ā e ao ona e naunau ia e iloa e faatatau i so o se togafitiga e sui aʻi tuigātoto? (9) Pe e mafai ona faia ni taotoga faigatā ma lavelave e aunoa ma ni tuigātoto? (10) O le ā o naunau i ai le toʻatele o fomaʻi e latou te faia mo Molimau a Ieova, ma o le ā e ono avea ma tulaga masani mo togafitiga o gasegase uma?

O le taliaina o so o se togafitiga sa faaalia i le vitiō, o se filifiliga lea e fitoitonu i le tagata lava ia e faavae i lona lotofuatiaifo.—Tagaʻi i le Olomatamata o Iuni 15, 2004 itu. 22-24, 29-31, ma le Olomatamata Oketopa 15, 2000 itu. 30-31.