Le Tala e Fai Atu e Uiga i Mekasini

Le Olomatamata Fepuari 1

“Pe e te manatu e faafofogaina e le Atua tatalo uma? [Faatali mo se tali.] Mātau le fetalaiga a Iesu i lenei mataupu. [Faitau le Mataio 6:7.] O lenei mataupu faaoso naunau, o loo maua ai tali mai le Tusi Paia o fesili e fā e masani ona fesiligia ai e faatatau i le tatalo.” Faaali i ai le mataupu o loo i le itulau e 16.

Ala Mai! Ianuari-Mati

“O le mea moni, ua lamatia lo tatou paneta ona ua faateleina le vevela o le lalolagi. E faapefea ona foʻia lea tulaga? [Faatali mo se tali. Ona faitau lea o le Isaia 11:9.] Ua faamautinoa mai e le Atua, o le a tumau pea ona iai le lalolagi, ma o le a nonofo ai pea tagata.” Faamatilatila le itulau e 8 ma le 9.

Le Olomatamata Mati 1

“O le ā sou manatu, po o ua tuupōina mea o le a tutupu i le olaga o se tagata? [Faatali mo se tali.] Seʻi mātau le faamatalaga a le Tusi Paia i lenei mataupu. [Faitau le Failauga 9:11.] O loo faamalamalama e lenei mekasini lenā mataupu, e ui ua fuafua e le Atua se lumanaʻi matagofie mo tagata i le lalolagi, ae ua ia tuu mai le avanoa e filifili ai e le tagata lava ia le ala e ui ai.”

Ala Mai! Ianuari-Mati

“E aogā tele le Initaneti, ae e iai ona lamatiaga mo le fanau. O le ā sou taofi, e faapefea ona tatou puipuia fanau mai i nei lamatiaga? [Faatali mo se tali.] Faamolemole mātau mai le manatu lenei. [Faitau ma faatatau le Faataoto 18:1.] O se tasi lenei o mau mai le Tusi Paia e fesoasoani i mātua i le puipuia o le fanau.” Faamatala le mataupu i le itulau e 16.