Ia Auai Pea i le Auaunaga i le Fanua
1 Po o tatou faia ea ni taumafaiga mautinoa ina ia auai pea i le auaunaga i le fanua? Po o tatou naunautaʻi ea e vave ona tuu atu la tatou lipoti o le auaunaga i le fanua i le Maota mo Sauniga i masina taʻitasi? O se tulaga lenei e ao iā i tatou uma lava ona taumafai ina ia fai, ia aua lava neʻi faatagaina se masina e mavae atu ae tatou te leʻi faalauiloa atu i le lautele lo tatou faatuatua.—Roma 10:9, 10.
2 E lē gata i lo tatou auai pea, ae tatou te mananaʻo foʻi ina ia mataala e fesoasoani atu i isi ina ia latou auai pea i le faiva i le fanua. (Fili. 2:4) E mafai faapefea ona tatou faia lenei tulaga? E mafai ona tatou valaaulia tagata talaʻi e leʻi papatisoina o ē faatoʻā amata i le faiva, ina ia tatou galulue faatasi. O se faasologa faifai pea o le auaunaga o le a fesoasoani lea ina ia matuā faamausalīina ai le upu moni i o tatou loto.
3 Ia auai pea i le auaunaga i le fanua. Ia faamaoni i le tuuina atu o lau lipoti o le auaunaga i le fanua i masina taʻitasi. Ia fesoasoani i isi ina ia auai pea i le auaunaga. Ia faaalia le “alolofa atu i le ʻauuso.”—1 Pete. 2:17.