Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Ianuari

“Ua talitonu nisi tagata e faapea, o le Tusi Paia o se tusi o valoaga e maufaatuatuaina. O nisi e manatu o loo maua ai valoaga lea e mafai ona faataunuu i le tele o auala eseese. O le ā sou manatu?” Faatali mo se tali. Ona tuu lea i lē e ona le fale Le Olomatamata o Ianuari 1, ma iloilo faatasi le vaega i lalo o le tamaʻi ulutala muamua i le itulau e 16, atoa ai ma se mau se tasi. Ofo mekasini, ma fai se fuafuaga e toe foʻi e talanoa le fesili e sosoo ai.

Le Olomatamata Ianuari 1

“E tele lesona e mafai ona tatou aʻoaʻoina mai i tane ma fafine taʻutaʻua i aso anamua. Pe e te ioe i ai? [Faatali mo se tali.] O loo faasino atu le fuaiupu lenei i se tasi o tane taʻutaʻua, o lē e na o ia lava ua taʻua i le Tusi Paia o le ʻuō a le Atua.’ [Faitau le Iakopo 2:23.] O loo faamatala i lenei lomiga le māfuaaga na manatu ai le Atua iā Aperaamo o sana uō, ma talanoaina ai lesona e mafai ona tatou aʻoaʻoina mai i le faaaʻoaʻoga a Aperaamo.”

Ala Mai! Ianuari-Mati

“I le aso lenei, o loo matou asiasi ai i aiga uma. O le ā sou manatu, o le ā le luʻi sili ona faigatā o loo feagai ma mātua i aso nei i le tausia o fanau? [Faatali mo se tali.] O loo faalagolago le toʻatele o mātua i le Tusi Paia mo se fautuaga. O se faaaʻoaʻoga, e fesoasoani upu atamai nei iā te oe pe a aʻoaʻoina fanau. [Faitau le Efeso 4:31.] Ua faaalia i lenei mekasini le auala e fesoasoani ai fautuaga faale-Tusi Paia i mātua, i laasaga taʻitasi o le tuputupu aʻe o se tamaitiiti, mai i se pepe agaʻi ina avea ma talavou.”