Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Me

“Pe e te manatu i lotu o se puna o le alofa ma le filemu po o le feitagaʻi ma le sauā? [Faatali mo se tali.] Seʻi oʻu faailoa atu iā te oe se manatu manaia e faatatau i lenei mataupu.” Ofo atu i lē e ona le fale Le Olomatamata o Me 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma fai se fuafuaga e toe foʻi atu e talanoa le fesili e sosoo ai.

Le Olomatamata Me 1

“E talitonu le toʻatele e lelei pe a aofia lotu i faiga faapolotiki, a o isi e manatu e lē tatau ona palu faatasi faiga faapolotiki ma lotu. O le ā sou manatu? [Faatali mo se tali.] Mātau le auala na tali atu ai Iesu ina ua mananaʻo tagata e faaaofia o ia i faiga faapolotiki i ona aso. [Faitau le Ioane 6:15.] O loo faamatala i lenei le mekasini le māfuaaga na tali atu ai faapea Iesu, ma talanoaina ai le auala sili e mafai ona fesoasoani atu ai Kerisiano i tagata i o latou oganuu.”

Ala Mai! Aperila-Iuni

“O loo matou talanoa i o matou tuaoi e faatatau i se masaniga e faapopoleina ai. E foliga mai o tagata i aso nei o loo faateteleina pea lo latou ita ma vave ona oso aʻe le loto ita. O le ā sou manatu, o le ā le māfuaaga? [Faatali mo se tali.] Seʻi mātau le tala a le Tusi Paia e faatatau i le ita. [Faitau le Salamo 37:8.] O loo faamatalaina i lenei mekasini nisi o māfuaaga ua faatuputeleina ai le ita i aso nei, faapea auala e mafai ona pulea ai lo tatou ita.” Faaali atu le mataupu e amata i le itulau e 14.