Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Aokuso

“E toetoe o tagata uma e tatalo mai lea taimi i lea taimi. E oo lava i tagata e lē talitonu e iai se Atua, e tatalo foʻi pe a iai faafitauli. Pe e te manatu e faafofoga mai le Atua i tatalo uma lava?” [Faatali mo se tali.] Faasino i ai le mataupu i le pito i tua o Le Olomatamata o Aokuso 1, talanoa manatu o loo i le fesili muamua ma faitau se mau se tasi. Ofo mekasini ma fai se fuafuaga e toe foʻi atu e talanoa le fesili e sosoo ai.

Mātau: E tatau ona faataʻitaʻi lenei taulimaga i le faatasiga mo le talaʻiga iā Aokuso 3.

Le Olomatamata Aokuso 1

“Ua faapopoleina le toʻatele o tagata i aso nei i le faatuputupulaʻia o le tele o ata matagā taufeusuaʻiga. Peitaʻi, e toʻatele tagata e manatu e lē leaga na ituaiga o ata. Ae o le ā sou oe manatu? [Faatali mo se tali.] Na fetalai Iesu e mafai ona tatou iloa pe e lelei pe leaga se mea e ala i fua e fuaina mai ai. [Faitau le Mataio 7:17.] O loo talanoaina i lenei mekasini fua e fuaina mai ona o ata matagā taufeusuaʻiga. O loo taʻua ai foʻi fautuaga aogā i le auala e tatou te ʻalofia ai na ituaiga o ata.”

Ala Mai! Iulai-Setema

“Ua taatele i aso nei le faaaogā o upu masoā po o upu faatigā i le va o ulugalii, ata tifaga ma ata fai mea mālie i le televise. Ma ua manatu i ai e lē leaga ae e mālie. Ae o le ā sou manatu, o ā fā a le Tusi Paia e uiga i lenei mataupu? [Faatali mo se tali.] Seʻi mātau mai se tasi o taʻiala tuusaʻo a le Tusi Paia e uiga i upu masoā. [Faitau le Efeso 4:31.] O loo talanoaina i lenei mekasini le pogai o lenei faafitauli, faapea māfuaaga e tāua ai ona tatou faia ni suiga.”