Taulimaga Faataʻitaʻi

Ina ia Amata se Suʻesuʻega Faale-Tusi Paia i le Aso Toonaʻi Muamua o Oketopa

“O le toʻatele o tagata e matou te talanoa i ai e faapea mai, o le tulaga sili ona faigatā o loo latou fesagaʻia, o le maliu lea o se tasi e pele iā i latou. Po o lou lagona foʻi lenā? [Faatali mo se tali.] Ae e iai se faamāfanafanaga ou te fia faailoa atu.” Faasino i ai le mataupu i le pito i tua o Le Olomatamata o Oketopa 1, talanoa manatu o loo i le fesili muamua ma faitau se mau se tasi. Ofo mekasini ma fai se fuafuaga e toe foʻi atu e talanoa le fesili e sosoo ai.

Le Olomatamata Oketopa 1

“O loo matou asiasi puupuu i tagata ina ia faalaeiauina le faitauina o le Tusi Paia. E matou te iloa o nisi tagata e fiafia i le Tusi Paia a o nisi e leai. Ae faapefea oe? [Faatali mo se tali.] O loo taʻua i le Tusi Paia le manatu tāua lenei. [Faitau le 1 Tesalonia 2:​13.] Ou te talitonu e te ioe, pe afai e moni o le Tusi Paia o se tusi mai i le Atua, o lona uiga la e talafeagai ona faitauina. I laʻu lomiga lea, o loo otooto mai ai po o le ā le feʻau o loo i le Tusi Paia ma aiseā e tatau ai ona tatou faitauina.”

Ala Mai! Oketopa–Tesema

“O le toʻatele o i tatou e moomoo ina ia ola mo se taimi umi. Ae o le ā sou manatu, faamata e mafai e le poto faasaienisi ona faafualoaina lo tatou soifua? [Faatali mo se tali.] Mātau le folafolaga mataʻina lenei. [Faitau le 1 Korinito 15:26.] O le ā le auala o le a faataunuuina ai e le Atua lenā mea? Pe e ala mai i le faasaienisi po o se isi auala? Aiseā e tatou te ola matutua ai ma feoti? O loo faamatalaina i lenei mekasini tali o nei fesili mai i le Tusi Paia.”