Taulimaga Faataʻitaʻi

Le Olomatamata Ianuari 1

“E foliga mai o se faafitauli masani le iai o faiga piʻopiʻo i faigāmalo. O le ā sou manatu, o le ā le pogai o lenei faafitauli? [Faatali mo se tali.] E ese le manaia o le manatu lenei na ou faitau ai i le Tusi Paia. [Faitau le Failauga 7:20.] O loo faamatilatila i lenei mekasini le vaifofō mai i le Tusi Paia mo faiga piʻopiʻo. O lau kopi lea. Faamolemole ia faaalu se taimi e tagaʻi ma faitau i ai.”

Ala Mai! Ianuari-Mati

“O loo matou asiasi mai e fesoasoani i tagata ina ia maua le tali o le fesili lenei. [Faaali atu le fesili o loo i le pito i luma o le mekasini.] Pe e te manatu e tatau ona mauʻoa se tasi ina ia mafai ai ona taulau manuia? [Faatali mo se tali.] O loo faailoa mai i le Tusi Paia se vaaiga paleni e tatau ona iai e tusa ai o meafaitino. [Faitau le Luka 12:15.] E tusa ai ma manatu o le Tusi Paia, e so o se tasi lava e mafai ona maua le taulau manuia, ma o loo faamatalaina lenā manatu i lenei mekasini.”