FAALELEIA O O TATOU TOMAI I LE FAIVA Faalaeiau Tagata Fiafia e Auai i Sauniga

MĀFUAAGA E TĀUA AI: O sauniga e tatou te maua ai pea le avanoa e ʻusu atu ai iā Ieova se pese’ ma ʻpepese i ona viiga.’ (Sl 149:1) E aʻoaʻoina ai foʻi i tatou i le finagalo o le Atua. (Sl 143:10) E masani lava ona vave le agaʻigaʻi i luma faaleagaga o a tatou tagata suʻesuʻe, pe a auai i sauniga.

LE AUALA E FAI AI:

• Valaaulia i latou i le vave e mafai ai. E lē manaʻomia ona tatou faatali seʻia faia muamua se suʻesuʻega faale-Tusi Paia ma i latou.—Fal 22:17

• 

  Faamatala i le tagata fiafia mea e fai i sauniga, ma mataupu o le a talanoaina i le sauniga o le a sosoo ai. E mafai ona fesoasoani iā te oe meafaigaluega nei: valaaulia mo sauniga a le faapotopotoga, le vitiō O ā Mea o Loo Faia i se Maota mo Sauniga?, ma le lesona e 5 ma le 7 o le polosiua Finagalo o Ieova.

• 

  Ofo atu se fesoasoani. Pe e na te manaʻomia se taavale e sau ai i le sauniga, po o se fesoasoani foʻi i le filifiliina o se laʻei talafeagai? Ia nonofo faatasi ma ia i taimi o sauniga, ma ia oulua faaaogā faatasi lau pese ma isi lomiga. Faafeiloaʻi atu o ia i isi.