O Afea Ou te Toe Paeonia Lagolago Ai?

O le faaaliga i le malumalu lea na vaaia e Esekielu, ua faaalia mai ai e faia e tagata o Ieova taulaga tauofo. E faapefea ona faia so tatou sao i taulaga o viiga?​—Epe 13:15, 16.

O se tasi o auala lelei o le avea ma paeonia lagolago. I le tausaga faaleauaunaga 2018, o le tele o masina e taʻilima Aso Toonaʻi po o Aso Sā. E fesoasoani lenei vala i ē e faigaluega i aso o le vaiaso ma e tele ina talaʻi i faaiʻuga o le vaiaso. E mafai foʻi e tagata talaʻi ona filifili pe paeonia mo le 30 pe 50 itula i masina o Mati ma Aperila, ma masina o asiasiga a le ovasia matagaluega.

Ae faapefea pe afai e lē mafai ona e paeonia lagolago ona o lou tulaga? E mafai ona e taumafai e faaleleia pe faatele foʻi le taimi i le faiva. Po o ā lava o tatou tulaga, ae ia uunaʻia i tatou e le alofa iā Ieova ina ia faia le mea sili mo ia a o faasolo le tausaga faaleauaunaga 2018.​—Ho 14:2.

MAIMOA I LE VITIŌ OU TE MAFAIA MEA UMA I LE FESOASOANI A IEOVA, ONA TALI LEA O FESILI NEI:

• O le ā na uunaʻia Sabina e faia le mea sili i le auaunaga iā Ieova?

• E faapefea ona faalaeiauina oe i le faaaʻoaʻoga a Sabina?

• A o faagasolo le tausaga faaleauaunaga 2018, o lē fea masina (po o ni masina) e mafai ona e paeonia lagolago ai?