O se Foaʻi mo Ieova

E faapefea ona tatou ʻfoaʻi atu mea mo Ieova i le asō’? (1No 29:5, 9, 14) O loo i lenei mataupu nisi o auala e faia ai a tatou foaʻi tauofo, e lagolago ai le galuega a Molimau a Ieova i a tatou faapotopotoga ma le lalolagi aoao.

O FOAʻI E ALA I LE INITANETI PO O PUSA MO MEAALOFA TAUOFO, E LAGOLAGOINA AI:

• 

  LE GALUEGA I LE LALOLAGI AOAO

  fausia ma le faagaoioia o ofisa o lālā ma ofisa faaliliu

  aʻoga a le faalapotopotoga

  auauna faapitoa faataimi atoa

  galuega fesoasoani mo mala faalenatura

  lomia o lomiga, saunia o vitiō, ma le tuuina o lomiga i le upega tafaʻilagi

• 

  TUPE FAAALU MO LE FAAPOTOPOTOGA

  tupe faaalu a le faapotopotoga, e pei o tupe mo le faagaoioia ma le tausia o le Maota mo Sauniga

  so o se iʻugāfono a le faapotopotoga mo tupe e lafo atu i le ofisa o le lālā mo:

  • le fausia o Maota mo Sauniga ma Maota mo Fonotaga i le lalolagi aoao

  • le Faatulagaga o Fesoasoani i le Lalolagi Aoao

  • isi galuega fai i le lalolagi aoao

TAUAOFIAGA MA FONOTAGA

O foaʻi tauofo e faia i tauaofiaga itumalo e auina atu mo le galuega i le lalolagi aoao. O lea, o tupe faaalu mo tauaofiaga itumalo, tauaofiaga faapitoa, ma tauaofiaga faavaomalo, e faatupe mai i meaalofa mo le galuega i le lalolagi aoao.

O foaʻi e faia i fonotaga matagaluega, e totogi ai maota e faaaogā, le faagaoioiga o fonotaga, le toe faaleleia o maota mo fonotaga faapea isi tupe faaalu a le matagaluega. E ono filifili se matagaluega e foaʻi atu ni tupe e totoe mai mo le galuega a Molimau a Ieova i le lalolagi aoao.