Saʻili Aʻoaʻoga Mai i le Atua

MĀFUAAGA E TĀUA AI: Ua saunia mai e Ieova le Aʻoaʻo Sili, aʻoaʻoga e sili ona lelei mo i tatou. Ua ia aʻoaʻoina i tatou e aunoa ma se totogi, i le auala e faaleleia ai o tatou olaga ma sauniunia ai i tatou mo se lumanaʻi matagofie. (Isa 11:6-9; 30:20, 21; Fal 22:17) O aʻoaʻoga mai i le Atua, ua ia faaauupegaina ai foʻi i tatou e faailoa atu se feʻau faasaoola i isi.​—2Ko 3:5.

LE AUALA E FAI AI:

• Atiaʻe uiga o le lotomaulalo ma le agamalu.​—Sl 25:8, 9

• Ia faaaogā tatau toleniga ua saunia mai e Ieova mo oe i le taimi lenei, e pei o se tofiga i le sauniga amata o le vaiaso

• Faataatitia ni ou sini faaleagaga.​—Fil 3:13

• Fai ni faataulaga ina ia e agavaa ai mo nisi toleniga faaopoopo.​—Fil 3:8

MAIMOA I LE VITIŌ FAATAMAOAIGAINA FAALEAGAGA I AʻOAʻOGA A IEOVA, ONA TALI LEA O FESILI NEI:

• O ā ni luʻi na foʻia e ni tagata talaʻi ina ia mafai ona auai i le Aʻoga mo Tagata Talaʻi o le Malo?

• O ā toleniga e maua mai i le Aʻoga mo Tagata Talaʻi o le Malo?

• E faapefea ona fesoasoani le faapotopotoga iā i latou ua faauu mai, a o auauna i o latou tofiga fou?

• O ā agavaa mo le Aʻoga mo Tagata Talaʻi o le Malo? (kr 189)

• O ā isi toleniga e mafai ona e maua i le faalapotopotoga a Ieova?