Toese le Tagata Tuai ae Oofu i le Tagata Fou

3:5-14

Pe na e faia ni suiga tetele i ou uiga ina ua e sau i le upu moni? E mautinoa na matuā fiafia le finagalo o Ieova i au taumafaiga. (Esk 33:11) Peitaʻi, e manaʻomia taumafaiga faifai pea ina ia teena le toe aliaʻe mai o uiga o le tagata tuai, ma ia faaauau ona faaalia uiga o le tagata fou. Ia tali fesili nei ina ia iloa ai vala e manaʻomia ona e faaleleia:

• Po o oʻu teulotoina le ita i se isi na faia se mea sesē iā te aʻu?

• Po ou te faaalia le onosaʻi e tusa po ou te lēlavā pe faanatinati i se mea?

• Pe a amata ona iai ni oʻu mafaufauga lē mamā, pe vave ona ou teena?

• Pe e iai ni oʻu faalogona lē fiafia i tagata e ese o latou ituaiga po o atunuu?

• Pe na ou faia talu ai nei se tala lē lelei i se tasi pe lē lava loʻu onosaʻi?