Faaalu le Taimi ma i Latou e Alolofa iā Ieova

Aiseā e tatau ai ona faaalu le taimi ma i latou e alolofa iā Ieova? Talu ai o ē e tatou te faifaimea faatasi e iai aafiaga lelei po o le leaga iā i tatou. (Fat 13:20) O se faataʻitaʻiga, na faia pea e le Tupu o Ioasa “le mea ua tonu i le silafaga a Ieova,” a o faifaimea faatasi ma le Ositaulaga Sili o Ioiata. (2No 24:2) Ina ua mavae le maliu o Ioiata, na lafoaʻia ai e Ioasa Ieova ona o ana aumea leaga.​—2No 24:17-19.

I le uluaʻi senituri T.A., na faatusa e le aposetolo o Paulo le faapotopotoga Kerisiano i se “fale tele,” ma sui taʻitasi o le faapotopotoga i “ipu” o loo i le fale. E tumau ona avea i tatou “ma ipu mo fuafuaga mamalu” pe a tatou ʻalofia faiā vavalalata ma so o se tasi, e tusa po o se sui o le aiga po o le faapotopotoga, o loo faia mea e inosia e Ieova. (2Ti 2:20, 21) O lea, tau ina ia faaauau ona tatou faauō atu i ē e alolofa iā Ieova ma ē e faalaeiauina i tatou e auauna iā te ia.

MAIMOA I LE VITIŌ IA TEENA AUMEA LEAGA, ONA TALI LEA O FESILI NEI:

• O ā nisi o auala e mafai ai e aumea leaga ona taaʻina o tatou olaga?

• I le vitiō, o le ā na fesoasoani i nei Kerisiano e vavaeese mai ai i aumea leaga?

• O ā mataupu silisili o le Tusi Paia e mafai ona fesoasoani iā te oe e filifili ai ma le atamai au aumea?