“Ia Faaauau Ona Manatunatu i Nei Mea”

O ā nei mea? Ua faapea mai le Filipi 4:8 ia manatunatu i mea ua moni, ua matuā tāua, ua tonu, mamā ma viia ai se tasi. E lē uiga atu e manaʻomia e se Kerisiano ona mafaufau tau lava o mataupu faale-Tusi Paia i taimi uma. Peitaʻi, e tatau ona faafiafiaina Ieova i manatunatuga o o tatou loto, nai lo le faavaivaia ai o lo tatou faanaunauga e faamaoni iā te ia.​—Sl 19:14.

O se luʻi iā i tatou le ʻalofia o mafaufauga lē mamā. E tatau ona tatou tau faasaga e lē gata i o tatou tino agasala, ae faapea foʻi Satani, “le atua o lenei faiga o mea.” (2Ko 4:4) Talu ai o loo ia pulea faiga faasalalauga a le lalolagi, ua tele ai faiga lē mamā i le TV, leitiō, Initaneti faapea nusipepa. Pe afai e lē filifilia lelei mea e faatumu ai o tatou mafaufau, o le a faaleagaina o tatou mafaufauga, ma o le a aafia ai a tatou amioga.​—Ia 1:14, 15.

MAIMOA I LE VITIŌ ʻALOFIA MEA E AVEESEA AI LO TATOU FAAMAONI​—FAAFIAFIAGA LĒ TALAFEAGAI, ONA TALI LEA O FESILI NEI:

• 

  O ā mea o loo matamata ai le uso i lana telefoni, ma na faapefea ona aafia ai o ia?

• 

  Na faapefea ona fesoasoani iā te ia le Kalatia 6:7, 8 ma le Salamo 119:37?