E Fiafia Ieova i Tagata Tumamā

“Fufulu ou lima. Ia teu mamā lou potu. Salu le fale. Ave le lapisi i fafo.” O le toʻatele o mātua e latou te aʻoaʻoina a latou fanau i le auala e tausia ai le mamā i le itu faaletino. Peitaʻi, o mataupu silisili o le tumamā e mai lo tatou Atua paia. (Eso 30:18-20; Te 23:14; 2Ko 7:1) Pe a tatou tausia le mamā o o tatou tino ma meatotino, o le a faamamaluina ai Ieova. (1Pe 1:14-16) Ae faapefea o tatou fale ma fanua? E ese mai i tagata e lafoaʻia lapisi i le auala, e taumafai Kerisiano i le mea sili latou te mafaia ina ia faamamā o latou laufanua. (Sl 115:16; Fal 11:18) E tusa po o ni mea laiti e pei o le lafoaʻi o pepa lole, atigi apa po o pululole, e faaalia atu ai la tatou vaaiga i le tumamā. E tatou te mananaʻo e ʻfaailoa atu i tatou o ni auauna a le Atua’ i vala uma o o tatou olaga.—2Ko 6:3, 4.

MAIMOA I LE VITIŌ E FIAFIA LE ATUA I TAGATA TUMAMĀ, ONA TALI LEA O FESILI NEI:

• O ā faamolemolega ua faia e nisi i le lē teuina lelei o o latou fale ma fanua?

• Ua faapefea i le Tulafono a Mose ona faaalia mai ai le silafaga a Ieova i le tumamā?

• E faapefea ona viia Ieova pe a tatou tumamā?