Faaleleia o o Tatou Tomai i le Faiva​—Ia Fetuutuunaʻi

MĀFUAAGA E TĀUA AI: Ua valaaulia e le ʻaufaauuina ma isi mamoe tagata o ituaiga uma, e “ave fua le vai o le ola.” (Fal 22:17) O lenei vai faafaatusa ua faaatagia mai ai sauniuniga uma a le Atua, e laveaʻi ai tagata usiusitaʻi mai i le agasala ma le oti. Ina ia fesoasoani i tagata e ese aganuu ma talitonuga faalotu, e tatau ona tatou folafola atu le “tala lelei e faavavau,” i se auala e tosina mai ai.​—Fal 14:6.

LE AUALA E FAI AI:

• Filifili se mataupu ma se mau e pāʻia ai loto o tagata i lau oganuu. E te ono faaaogā se taulimaga faataʻitaʻi po o se isi mataupu na e taulau ai. O ā mataupu ma mau e sili ona fiafia i ai tagata? Pe e iai se mea na tupu o mafaufau i ai tagata? O le ā se mataupu e fetaui i se tamāloa po o se fafine?

• Faaaofia i lau taulimaga faafeiloaʻiga ma tū masani o loo taatele i lou vaipanoa.​—2Ko 6:3, 4

• Faamasani i lomiga ma vitiō o loo i Meafaigaluega mo le Aʻoaʻo Atu, e talanoa ai ma sē e faaalia le fiafia

• Kopi mai lomiga ma vitiō i gagana e tautatala ai tagata e te ono feiloaʻi ai i lau oganuu

• Fetuunaʻi lau mataupu ina ia fetaui ma le tulaga o le tagata o le aiga. (1Ko 9:19-23) O se faaaʻoaʻoga, o le ā se taulimaga e te faaaogāina pe a e iloa e leʻi leva ona maliu se tasi o le aiga?

MAIMOA I LE VITIŌ, ONA TALI LEA O FESILI NEI:

• O le ā le mataupu na talanoa ai le tagata talaʻi?

• O le ā na tupu i le olaga o le tagata o le aiga?

• O lē fea o mau na fetaui lelei ma lenei tulaga, ma aiseā?

• E faapefea ona fetuutuunaʻi lau taulimaga ina ia fiafia mai ai tagata i lau oganuu?