O Ai o le a Ou Valaauliaina?

E tatou te faia taumafaiga faapitoa i tausaga taʻitasi, ina ia valaaulia tagata i la tatou oganuu mo le Faamanatuga. O le toʻatele e tatou te lē masani ai. E tatau foʻi ona valaaulia i latou e tatou te masani ai. O i latou e maua se valaaulia mai i sē e masani ai, e tele ina auai. (yb08-E 11 ¶3; 14 ¶1;) O ai isi e mafai ona e valaaulia?

• Tauaiga

• Tagata e faigaluega ma aʻoʻoga faatasi

• Tuaoi

• Toe asiga ma suʻesuʻega sa faia i le taimi muamua ma le taimi nei

E lē gata i lea, e valaaulia e toeaina ē ua lē o toe talaʻi ma lē toe auai i sauniga. Ae ā pe afai o le tagata lea e te masani ai e lē nofo i la outou oganuu? E mafai ona e saʻilia le taimi ma le nofoaga e faia ai le Faamanatuga i le vaipanoa o loo nofo ai o ia, e ala i le oomi o le vaega MOLIMAU A IEOVA o loo i le pito i luga o le itulau autū o le jw.org, ma filifili le vaega “Faamanatuga.” A o e sauniuni mo le faamanatuga o lenei tausaga, ia mafaufau i nisi e mafai ona e valaaulia.