Pe e Mafai Ona Ofo Atu Lou Taimi ma le Malosi?

E pei ona valoia e Isaia, ua tatou vaaia le faatelega mataʻina i le vaega faalelalolagi o le faalapotopotoga a Ieova. (Isa 54:2) O le mea lea ua manaʻomia ai le fausia o nisi Maota mo Sauniga, Maota mo Fonotaga, ma fale o lālā. Pe a māeʻa ona fausia, e manaʻomia ona faaauau ona tausia lelei ma o nisi taimi e manaʻomia ai ona toe faafou. O lea, o ā avanoa ua tatou maua e ofo atu ai lo tatou taimi ma le malosi iā Ieova?

• E mafai ona fai se tatou sao pe afai ua oo i le tatou vaega mo le talaʻiga le faasologa mo le faamamāina o le Maota mo Sauniga

• Ia tauofo atu ina ia maua toleniga i le tausia lelei o Maota mo Sauniga

• Ia faatumu se pepa talosaga o le Local Design/Construction Volunteer Application (DC-50), ina ia fesoasoani atu mai i lea taimi i lea taimi i faugāfale po o le faaleleia o maota, i vaipanoa e lata ane i le mea e te nofo ai

• Ia faatumu se pepa talosaga o le Application for Volunteer Program (A-19) ma tauofo e fesoasoani mo se vaiaso pe sili atu foʻi i le Peteli po o se isi fale o le lālā, i le vaipanoa o loo vaavaaia e la outou lālā

MAIMOA I LE VITIŌ FAATAATIA FUAFUAGA MO SE GALUEGA FOU​—VAAIGA PUUPUU, ONA TALI LEA O FESILI NEI:

• O le ā le faatelega mataʻina ua iai i le faaaogāina o vitiō talu mai le 2014?

• Ina ia saunia vitiō e manaʻomia mo la tatou tapuaʻiga, o le ā le galuega ua fuafuaina e fai ma o le ā le umi ua faatulagaina mo lea galuega?

• E faapefea ona fesoasoani le ʻautauofo i lenei galuega?

• Pe afai tatou te mananaʻo e fesoasoani i le galuega faufale i Ramapo, aiseā e ao ai ona faatumu le pepa talosaga DC-50, ma fesoasoani i galuega mo Faugāfale i le Vaipanoa e latalata i le mea e tatou te nonofo ai?

• O ā faamaoniga e iloa ai o loo taʻitaʻia e Ieova lenei galuega?

• E faapefea ona tatou lagolagoina lenei galuega, e tusa pe e lē mafai ona fesoasoani tuusaʻo atu i galuega faufale?