Faamatilatila Manatu Autū

Pe a faia se toe asiga po o se suʻesuʻega faale-Tusi Paia, e manaʻomia ona tatou fesoasoani i a tatou tagata suʻesuʻe ia malamalama i manatu autū. O le faamatilatila o nei manatu autū, o le a pāʻia ai loto o tagata ma fesoasoani ia latou manatua manatu autū.

A o e sauniuni mo se toe asiga po o se suʻesuʻega faale-Tusi Paia, ia filifili manatu autū lea e te manaʻo e faamatilatila ae lē o manatu e lē tāua tele. Ona filifili lea o ni talafaatusa faigofie o ni mea e tutupu i aso taʻitasi. (Mat 5:14-16; Mar 2:21; Lu 14:7-11) Ia amanaʻia le siʻomaga ma gaoioiga o lau tagata faalogologo. (Lu 5:2-11; Ioa 4:7-15) Pe a e vaai i le olioli e na te maua pe a malamalama i se manatu, o le a e maua ai foʻi le olioli.

MAIMOA I LE VITIŌ IA TOFO I LE OLIOLI O LE FAIA O ISI MA SOO​—FAALELEIA OU TOMAI​—FAAMATILATILA MANATU AUTŪ, ONA TALI LEA O FESILI NEI:

• 

  Aiseā e ono manaʻomia ai e le tagata aʻoga le fesoasoani e malamalama ai i se mau o le Tusi Paia?

• 

  Na faapefea ona faataʻitaʻi e Neta le upu moni o loo i le Roma 5:12?

• 

  O ā aafiaga e mafai ona maua e la tatou ʻaufaalogologo ona o le lelei o talafaatusa?

• I la tatou faiva, aiseā e tatau ai ona tatou faaaogā vitiō ma isi meafaigaluega mo le aʻoaʻo atu ua saunia mai e le faalapotopotoga a Ieova?