Paeonia

O le a tatou faaaogā tatau le malosi pe a faatutū ni o tatou sini faaleagaga. (1Ko 9:26) O le iai o ni sini, o le a fesoasoani iā i tatou e faaaogā ai ma le atamai le taimi o loo totoe o lenei faiga o mea. (Efe 5:15, 16) I la outou tapuaʻiga a le aiga, e mafai ona outou talanoa i ni sini e faatutū i le tausaga faaleauaunaga fou. Ina ia faia faapea, o loo iai i lenei polokalame o le sauniga nisi o mataupu e faatatau i sini e mafai ona iloilo faatasi ma le tatalo.—Ia 1:5.

O se faataʻitaʻiga, pe e mafai ona galulue faatasi le aiga atoa, ina ia mafai ai e se tasi o i latou ona avea ma paeonia sauatoa? Pe afai e te lē o mautinoa pe o le a e ausia itula faatulagaina, ia talanoa atu i nisi paeonia e taitutusa o outou tulaga. (Fat 15:22) Atonu e mafai ona faatalanoa se paeonia i le taimi o la outou tapuaʻiga a le aiga. Ia tusi i lalo ni faasologa faataʻitaʻi. Pe afai na e paeonia i le taimi ua teʻa, ia iloilo lou tulaga pe e mafai ona e toe paeonia i le taimi lenei.

Pe e mafai e nisi o lou aiga ona paeonia lagolago mo se masina pe sili atu? Pe afai e lē tele ni mea e mafai ona e faia ona ua lē lava le malosi, e mafai ona e paeonia lagolago e ala i le faaalu o sina taimi i aso taʻitasi i le talaʻiga. Pe afai e lē lava le taimi e te talaʻi ai i aso o le vaiaso ona e te faigaluega faataimi atoa pe aʻoga, e mafai ona e filifili se masina e iai se aso mālōlō pe lima foʻi faaiʻuga o le vaiaso. Ia faailoga i le kalena le taimi ua e fuafua e paeonia lagolago ai, ma fai se faasologa.—Fat 21:5.

MAIMOA I LE VITIŌ IA LOTOTELE O SE . . . PAEONIA, ONA TALI LEA O LE FESILI LENEI:

• O le ā e tatou aʻoaʻoina mai i le faaaʻoaʻoga a le tuafafine o Emma, i le auala e tausia ai ma le alofa e Ieova i latou e faia faataulaga ina ia paeonia?