Faatutū ni Sini mo le Vaitaimi o le Faamanatuga

I tausaga taʻitasi, e tulimataʻi e tagata o Ieova le Faamanatuga. I vaiaso a o leʻi faia ma pe a māeʻa le Faamanatuga, e tatou te faaaogā tatau avanoa faapitoa e vivii atu ai iā Ieova ma faafetai atu mo le meaalofa o le togiola. (Efe 1:3, 7) Mo se faataʻitaʻiga, e tatou te galulue mamafa e valaaulia isi i le Faamanatuga. O nisi e mafai ona faia fetuunaʻiga ina ia paeonia lagolago mo le 30 pe 50 itula i le masina o Mati po o Aperila. Pe e te manaʻo e faateleina lou sao i le talaʻiga i le vaitaimi o le Faamanatuga? O le ā e fesoasoani iā te oe e faia ai faapea?

E tele mea e mafai ona faataunuuina pe a fuafua mamao. (Fat 21:5) A o lata mai le vaitaimi o le Faamanatuga, o le taimi lelei lenei e fai ai au fuafuaga. Iloilo pe faapefea ona faateleina sou sao i le talaʻiga i lenā taimi, ma vaai po o le ā e manaʻomia ona e faia ina ia ausia ai ou sini. Ia talosaga atu iā Ieova e faamanuia mai i au taumafaiga.—1Io 5:14, 15.

O ā ni auala e mafai ona faalautele atu ai lau faiva i le vaitaimi o le Faamanatuga?