O ā ni Ou Sini mo le Tausaga Faaleauaunaga Fou?

O sini faaleagaga e aofia ai so o se mea na tatou galulue mamafa e ausia, ina ia tatou auauna atoatoa ai iā Ieova ma faafiafiaina o ia. E fesoasoani na sini ina ia avea ai i tatou o ni Kerisiano taʻumatuaina, ma e tauia le faataulagaina o o tatou taimi ma le malosi. (1Ti 4:15) Aiseā e tatau ai ona iloilo e lē aunoa o tatou sini? Talu ai e mafai ona suia le tulaga o mea. E ono lē mafai ona ausia se sini na faatū muamua, pe ua ausia foʻi ma manaʻomia ona toe faatū se isi sini.

O le taimi lelei lava e iloilo ai o tatou sini, a o leʻi amata le tausaga faaleauaunaga fou. Aiseā e lē talanoaina ai lenā mataupu i le tapuaʻiga a le aiga, ma faatutū ni sini o le tagata lava ia, po o ni sini o le aiga?

O ā ni ou sini e te manaʻo e faatutū i vala nei o le auaunaga, ma e faapefea ona e ausia?