O se Taunuuga Lelei Ona o le Laufofoga Fiafia

Na sāvalivali atu ni teine talavou se toʻalua i se nofoaga e fai ai pisinisi i le aai o Baguio i Filipaina. Na la iloa atu se fata tusi mo le talaʻiga i le lautele ae e la te leʻi ō i ai. Na ataata atu i ai Helen, o se tuafafine na tū i le fata tusi. Na faaauau pea ona savavali nei teine ae na la maofa i le laufofoga fiafia o Helen.

Mulimuli ane, a o la ō i le fale i se pasi na la vaaia ai se faailoga telē jw.org i luma o se Maota mo Sauniga. Na la vaaia e tutusa lelei le faailoga lea ma le faailoga i le fata tusi. Na la feosofi ese mai le pasi ma siaki le faasologa mo sauniga a faapotopotoga eseese o loo pipii i le pa o le Maota mo Sauniga.

Na auai nei teine i se tasi o sauniga na sosoʻo ai ma feiloaʻi ai iā Helen i le Maota mo Sauniga. Na vave lava ona la mātauina o ia i lona laufofoga fiafia. Na faapea mai Helen, “Na fai si oʻu popole aʻo savavali mai nei teine e faafeiloaʻi aʻu. Na ou faapea ua ou faia se mea sesē.” Ae na faamatala e teine iā Helen le mea na tupu.

Na matuā fiafia nei teine talavou i le sauniga ma le faatasitasiga ma uso ma tuafāfine. Na la mananaʻo foʻi e fesoasoani i isi na faamamāina le Maota mo Sauniga ina ua uma le sauniga. Ua tuua e le isi teine talavou Filipaina, ae o le isi teine ua auai i sauniga ma ua amata lana suʻesuʻega faale-Tusi Paia. Maʻeu se taunuuga lelei o le faaalia o le laufofoga fiafia!