Ia Aʻoaʻo ni Lesona Mai i Ata

O loo faaalia i a tatou lomiga le tele o ata, lea e aʻoaʻo mai ai ni lesona tāua. E faapefea ona e faaaogā nei ata ina ia aʻoaʻo mai ai ni lesona?

• Ia iloilo ata a o leʻi faitauina le mataupu. E tai pei lava ona faaosofia lou fia tausami i se meaʻai pe a e vaai i ai, e faapena foʻi ona faaosofia lou fia faitau i se mataupu pe a e vaai muamua i ata. O lea, a o e leʻi faitauina se mataupu, ia fesili ifo: ʻO le ā ou te aʻoaʻoina mai i nei ata?’—Amo. 7:​7, 8.

• A o e faitau i le mataupu, ia mafaufau i le māfuaaga ua filifilia ai ata o loo i le mataupu. Ia faitau faaupuga o loo iai i ata ma faamatalaga o ata pe afai o loo iai. Ia iloilo le fesootaʻiga o ata i le mataupu o loo talanoaina, ma le faatatauga i lou olaga.

• Pe a uma ona faitau, ia faaaogā ata ina ia fesoasoani iā te oe e autalu ai manatu tāua. Ia taumafai e manatua ata ma lesona na e aʻoaʻoina mai ai.

• Ia tagaʻi i ata o loo i lenei lomiga, ma vaai pe e te manatua lesona na e aʻoaʻoina mai ai.