Faamatalaga Pito i Lalo

c Na ta‘ua e tagata atamamai, na faia e tamāloloa ni tautoga faa-Naseri. (Nu. 6:​1-​21) E moni o na tautoga sa faia e tusa ma le Tulafono a Mose, ae e lē o toe aogā. Peita‘i, atonu na manatu Paulo e lē sesē i ni tamāloloa ona faataunuuina lenā tautoga iā Ieova. O le mea lea, e lē sesē ona ia totogiina tupe faaalu mo na tamāloloa ma ō faatasi ma i latou. E tatou te lē o iloa tonu po o le ā le ituaiga tautoga na fai, ae po o le ā lava, e lē mafai e Paulo ona lagolagoina le ofo atu o taulaga i manu (e pei ona faia e le ‘au Naseri), ma le talitonuga o le a faamamāina ai agasala a nei tamāloloa. O le taulaga lelei atoatoa a Keriso, ua lē o toe aogā ai nei taulaga i manu mo le faamagaloina o agasala. Po o le ā lava lana gaoioiga na fai, e tatou te mautinoa e lē mafai e Paulo ona lolo atu i so o se mea e faaleagaina ai lona lotofuatiaifo.