Faamatalaga Pito i Lalo

a Ua faapea mai nisi tagata suʻesuʻe, atonu na manatu uso o Iosefa o le meaalofa lea na avatu e lo latou tamā iā Iosefa, o le faamaoniga lea e iloa ai na manaʻo Iakopo e ui atu le tofi o le ulumatua iā Iosefa. Na latou iloaina o Iosefa o le atalii matua lea o Iakopo i lana avā na sili ona pele, lea na ia faananau e faaipoipo muamua i ai. E lē gata i lea, o le ulumatua a Iakopo o Reupena lea na momoe ma le palake a lona tamā, ma na faalumaina ai lona tamā ma melea ai lona tofi o le ulumatua.​—Kenese 35:22; 49:3, 4.