Lomiga Faale-Tusi Paia I LE INITANETI

Na Faapefea Ona Iai le Ola?

Se Olaga Fiafia e Faavavau!—Talanoaga Faale-Tusi Paia
- 1. Na faapefea ona iai le vateatea?
  
  Ua taʻua i le Tusi Paia: “Na foafoaina e le Atua le lagi ma le lalolagi i le amataga.” (Kenese 1:1) E ioe le toʻatele o saienitisi, na foafoaina le vateatea. Na faapefea ona foafoaina e le Atua le vateatea? Na ia faaaogā lona “mana galue” po o lona agaga paia, e foafoaina ai mea uma i le vateatea e aofia ai aniva, fetu ma paneta.—Kenese 1:2.

Na Faapefea Ona Iai le Ola?

Se Olaga Fiafia e Faavavau!—Talanoaga Faale-Tusi Paia
- 5. E moni tala o le foafoaga o loo i le Tusi Paia
  
  I le mataupu 1 o le tusi o Kenese, o loo faamatalaina ai le foafoaina o le lalolagi ma le ola. Pe e tatau ona e talitonu i na tala, pe ua na o ni tala fatu? Faaali le VITIŌ, ona talanoa lea i fesili nei:
  
  VITIŌ: Pe na Teʻi Lava ua Iai le Vateatea?—Vaaiga Puupuu (3:51)
  
  Po o taʻu mai e le Tusi Paia, na foafoaina le lalolagi ma le ola i aso e ono e taʻi 24 itula?
  
  Pe e te manatu e faasolosolo lelei ma moni tala o le foafoaga o loo i le Tusi Paia? Aiseā?
  
  Faitau le Kenese 1:1, ona talanoa lea i le fesili lenei:
  
  Ua faapea mai saienitisi e iai le amataga o le vateatea. O le ā se mea e tutusa ai o latou manatu ma le manatu o le Tusi Paia sa e faitauina?
  
  E manatu nisi tagata na faaaogā e le Atua le evolusione e foafoaina ai le ola. O lona uiga na foafoa e le Atua se tamaʻi sela, ona liua loa lea ma avea ma meaola eseese. Faitau le Kenese 1:21, 25, 27, ona talanoa lea i fesili nei:
  
  Po o aʻoaʻo mai e le Tusi Paia na faaaogā e le Atua le evolusione e maua mai ai iʻa, isi meaola ma tagata? Pe na ia foafoaina “ituaiga” uma o meaola?b