15. Na faapefea ona faaalia e Pelesara lona le faaaloalo ia Ieova le Atua moni?

¹⁵ O le tasi tupu sa i ai foi se mea na aʻoaʻiina ai e Ieova, o Pelesara. Sa o ia o le atalii ma o le suli o le Tupu o Naponita, o ia foi o se atalii o Nepukanesa. I se sauniga o se faigaai tele, sa ia Pelesara le loto faamaualuga ma faatonuina ai ina ia aumaia ipu auro na aumaia e le tamā o lona tamā mai le malumalu o Ieova i Ierusalema, ina ia feinu ai o ia, ma alii sili, o ana avā, ma ana palake. O lea, sa “latou feinu uaina, ma latou vivii atu i atua auro, ma ario, o ʻapa memea, o uamea, o laau, ma maa.”—Tanielu 5:3, 4.

¹⁷ Na taʻu atili atu e Tanielu ia Pelesara: “ O le Atua ua i lona aao lou mānava, ua ia te ia foi ou ala uma, e te lei vivii atu i ai.” (Tanielu 5:23) O lea, sa avatu e le tusilima se faaaliga i le tupu o Papelonia faapea ua oo mai le iuga o aso o lana nofoaiga tautupu, ona ua fuatia ma ua iloa ai ua mamāsagia, ma o le a tuuina atu lona malo ia Metai ma Peresia. Ma i le po lava lena ina ua uma ona aʻoaʻoina e Ieova i lena tupu faamaualuga le lesona sili ona manaomia, ona fasiotia ai lea o Pelesara, le tupu Kaletaia.—Tanielu 4:23.