“Fai le Mea Aupito Sili E te Mafaia”
1 Ina ua tuuina atu i tatou lava ia Ieova, na tatou folafola atu ai e tuuina atu le mea aupito sili ona lelei e tatou te mafaia mo ia. Ma le talafeagai ai, na faalaeiauina ai e le aposetolo o Peteru Kerisiano o le uluai senituri ina ia faia le mea aupito sili latou te mafaia e ala i le faamautinoaina o lo latou tulaga i luma o Ieova. (2 Pete. 1:10) E mautinoa lava e tatou te mananao e faia le mea aupito sili tatou te mafaia ina ia faafiafia ai Ieova e ala i le auauna atu ia te ia i aso nei. O le ā e aofia ai i lenei mea? A o agaʻi ina matuā mafana la tatou faiā ma Ieova ma tatou mafaufau loloto i mea uma na ia faia mo i tatou, e uunaia ai pea i tatou e o tatou loto ina ia faia le mea e aupito sili ona lelei i lana auaunaga. E tatou te mananao ina ia faaleleia le uigā, ma ia faateleina la tatou faiva pe afai e mafai.—Sala. 34:8; 2 Timo. 2:15.
2 O se uso talavou o lē na manao e faia ni mea e sili atu i le faiva, na ia iloa e faapea, o le suesueina e lē aunoa o le Afioga a le Atua, ua faalolotoina ai lona talisapaia o Ieova ma faatumauina ai ia te ia le matuā maelega. O lenei mea na uunaia ai o ia e talosaga atu mo le auaunaga faapaeonia. O se tuafafine o lē sa iloa le faigata ona talanoa atu i tagata ese, na ia faataitaia nisi o taulimaga mai le tusi Reasoning, ma e lei pine ae amata ona matuā olioli i le taulau manuia i lana faiva. Sa mafai ona ia faia se suesuega faale-Tusi Paia ma se ulugalii o ē na taliaina le upu moni.
3 Olioli i Mea e Mafai Ona E Faia: O nisi o i tatou ua oo i ni tulaga faigata e pei o le lē lelei o le soifua maloloina, teteega mai aiga, le mativa, po o le lē manatu mai o tagata i le oganuu. E tele lava isi faafitauli ia o loo taatele i nei aso e gata ai, e ono faavaatuia ai la tatou auaunaga. (Luka 21:34, faamatalaga i lalo; 2 Timo. 3:1) Po o lona uiga ea la ua tatou lē taulau e tusa ai ma lo tatou tuuina atu ia Ieova? E leai pe afai o tatou auauna ia te ia i le mea aupito sili tatou te mafaia.
4 E lē o se mea atamai le faamasinosino o i tatou lava e faavae i mea ua mafai ona faataunuuina e isi. Nai lo o lea, ua faalaeiauina i tatou e le Tusi Paia ina ia “taitoatasi ma faamasino i lana lava galuega.” O le ofoina atoatoa atu o i tatou i le tele e tatou te mafai ai, e fiafia ai Ieova ma aumai ai ia i tatou “se mea e mitamita ai.”—Kala. 6:4; Kolo. 3:23, 24.
5 Seʻi o tatou utagia ia upu a Peteru ina ia ‘faia le mea sili tatou te mafaia ma iu ai ina maua i tatou e le Atua ua filemu, e lē ponā ma ia lē matauleagaina.’ (2 Pete. 3:14) O lena agaga o le a tatou lagona ai le malupuipuia ma o le a tatou maua ai le filemu o le mafaufau e na o Ieova lava e mafai ona aumaia.—Sala. 4:8.