Taulimaga Faataʻitaʻi

Mo le Tauiviga o le Faamanatuga

“Ua matou oo mai e tuu atu i lou aiga lenei tusi valaaulia i se sauniga tāua faaletausaga, e faia i le lalolagi aoao, i le Aso Lua, Mati 26. O le aso lenā e faamanatu ai le maliu o Iesu. O le a faia se lauga faale-Tusi Paia e lē totogiina, e faamatala ai le auala e aogā ai iā i tatou le maliu o Iesu. O loo faaalia i lenei tusi valaaulia, le nofoaga ma le taimi o le a faia ai lenei sauniga i lo tatou vaipanoa.”

Le Olomatamata Mati 1

“O loo tuufesili nisi, ʻE faapefea ona tatou mautinoa na toetū Iesu? Pe sa e tomānatu i lenā mea? [Faatali mo se tali.] Mātau pe aiseā e tāua ai le tali. [Faitau le 1 Korinito 15:14.] O loo faamatalaina i lenei mekasini pe faapefea ona tatou iloa o le toetū o se mea moni.”

Ala Mai! Ianuari-Mati

“Pe e te ioe ua lē faigofie i le tele o mātua ma fanau i aso nei ona fetalanoaaʻi? [Faatali mo se tali.] E ui i lea, e toʻatele mātua ua iloa le aogā o fautuaga a le Tusi Paia i le auala e fesootaʻi ai ma fanau talavou, e pei o lenei. [Faitau le Iakopo 1:19.] I le mataupu lenei i le itulau e 4, 5, o loo faamatalaina ai taʻiala faale-Tusi Paia e lima, e fesoasoani i mātua e faigofie ai ona fesootaʻi ma a latou fanau talavou.